Orchis punctulata Steven ex Lindl
NPLG Wiki Dictionaries გვერდიდან
12:45, 23 სექტემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
Orchis punctulata Steven ex Lindl. – ოჯახი: ჯადვარისებრნი (Orchidaceae). მრავალწლიანი ბალახოვანი მცენარეა. ღერო 25-65 სმ სიმაღლისაა, მის ძირში განვითარებულია 4-5 ლანცეტა ან უკუკვერცხისებური ბლაგვი ფოთლები ყვავილედი მეჩხერია, ცილინდრული, მრავალყვავილიანი; ყვავილს ძლიერი ვანილის სუნი აქვს; ყვავილსაფრის გარეთა ფოთლები მოყვითალო-მომწვანოა. ყვავილსაფრის შუა ფოთოლი სამძარღვიანია, გვერდითი – ოთხძარდვიანი და არათანაბარგვერდებიანი. ტუჩი მომწვანო-მოყვითალოა ან ზეთისხილის ფერი, ორნაკვთიანი, ნახევარმთვარისებურად მოხრილი ნაკვთებით. ყვ. ნაყ. V-VI. იზრდება მთის ქვედა სარტყელში ტყისპირა ადგილებში, ბუჩქნარში. კახეთში მისი ნახვა შესაძლებელია ვაშლოვანის დაცულ ტერიტორიებზე – მიჯნისყურის მიდამოებში. დასავლეთ საქართველოში გვხვდება აფხაზეთში.
