Salvia verbascifolia M. Bieb
NPLG Wiki Dictionaries გვერდიდან
12:53, 23 სექტემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
Salvia verbascifolia M. Bieb. – ოჯახი: ტუჩოსნები (Lamiaceae). მრავალწლიანი ბალახოვანი მცენარეა, ქვედა ნაწილში ნაცრისფრად ან თხლად აბლაბუდასებურადაა შებუსული. ღერო სწორია, 15-30 სმ სიმაღლის, მარტივი, ზედა ნაწილში ბოლოვდება მტევნისებური ან საგველასებური ყვავილედით; ქვედა ფოთლები ყუნწიანია, ნაოჭებიანი, კვერცხისებური ან ოვალური ფორმის. ყვავილები 6-4-ყვავილიან, დაშორიშორებულ ჩხროებადაა შეკრებილი. მისი ზედა ტუჩი მოთეთრო ფერისაა, ქვედა ტუჩი – მკრთალი ყვითელი. ყვ. ნაყ. IV-VII. იზრდება მშრალ, ქვიან, კლდე-ღორღიან ფერდობებზე მთის ქვედა და შუა სარტყლებში. კახეთში მისი ნახვა შესაძლებელია დედოფლისწყაროს მიდამოებში გავრცელებულია ქართლშიც.
