Sherardia arvensis L
NPLG Wiki Dictionaries გვერდიდან
12:53, 23 სექტემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
Sherardia arvensis L. - ოჯახი: ენდროსებრნი (Rubiaceae). ერთწლიანი ბალახოვანი მცენარეა, სიმაღლე – 10-20 სმ. ღერო 4-წახნაგოვანია, ხორკლებიანი, დატოტვილი, წამოწეული. 4-4 ქვედა ფოთლები უკუკვერცხისებურია და განლაგებულია ჩხროებად. 6-6 ზედა ფოთლი კიდეებზე ხორკლებიანია. ყვავილები პატარა ზომისაა, შეკრებილია თავაკისებურ ყვავილედებად. გვირგვინი მოვარდისფრო-იასამნისფერია. ყვ. ნაყ. IV-VII. მცენარე იზრდება დაბლობიდან მთის ზედა სარტყლამდე, მშრალ ფერდობებზე, ბუჩქნარებში, მინდვრებში. კახეთში ამ მცენარის ნახვა შესაძლებელია თელავის მიდამოებში. სპორადულად გავრცელებულია მთელ საქართველოში.
