ლამარა ვაშაკიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1974 წელს.

1974–1976წწ. იყო თბილისის სახელმწიფო სამედიცინო ინსტიტუტის ფთიზიატრიის კათედრის კლინიკური ორდინატორი; 1976–1980წწ. ტუპერკულიოზის სამეცნიერო კვლევითი ინსტიტუტის დიაგნოსტიკური განყოფილების მეცნიერ–თანამშრომელი; 1980–1992წწ. თბილისის სახელმწიფო სამედიცინო უნივერსიტეტის ფთიზიატრიის და პულმონოლოგიის კათედრის ასისტენტი; 1992–1994წწ. ამავე კათედრის დოცენტი; 1994 წლიდან აღნიშნული კათედრის გამგე. ავტორია 57 სამეცნიერო ნაშრომის; ეკუთვნის ორი რაციონალიზატორული წინადადება, ორი მეთოდური რეკომენდაცია. პროფესორ ზურაბ კალანდაძის მეუღლე და პოლიტიკოს ნინო კალანდაძის დედა. ექიმი პულმონოლოგ–ფთიზიატრი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "ფილტვის ქრონიკული დესტრუქციული ტუპერკულიოზის მკურნალობის ეფექტურობა ბაქტერიაგამოყოფის მასიურობის დინამიკის მიხედვით", დაიცვა 1984 წელს; სადოქტორო დისერტაციის თემა - "სასუნთქი სისტემების არასპეციფიკური ანთებითი დაავადებები ფილტვის ტუპერკულოზის ქრონიკული ფორმებისა და მეტატუბერკულოზური ცვლილებების მქონე პირებში", 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.103

• პულმონოლოგთა ასოციაციის გამგეობა, წევრი
• ფთიზიატრთა ასოციაცია, წევრი