საბა კლდიაშვილი

დაბადების ადგილი: ქ. ქუთაისი.

დაამთავრა ოდესის უნივერსიტეტის ფიზიკა-მათემატიკური ფაკულტეტის საბუნებისმეტყველო განყოფილება 1899 წელს.

რამდენჯერმე იყო მივლინებული ბერლინისა და გეტინგენის უნივერსიტეტებში; გააკეთა მრავალი, უმეტესწილად ძნელი ორგანული სინთეზი და დაამზადა სხვადასხვა ორგანული პრეპარატი; 1902 წლიდან თანამშრომლობდა ბერლინის ჟურნალებში, სადაც აქვეყნებდა სტატიებს ორგანული სინთეზის შესახებ; მუშაობა დაიწყო ოდესის უნივერსიტეტის ქიმიურ ლაბორატორიაში, სადაც ხელმძღვანელობდა სტუდენტთა პრაქტიკულ დაოსტატებას; ქართულ პრესაში სისტემატურად ქვეყნდებოდა მისი გამოკვლევები. ავტორია პირველი ქართულენოვანი სახელმძღვანელოსი ქიმიაში - "მოკლე მინერალური ქიმია". ამ სახელმძღვანელოთი მან საფუძველი ჩაუყარა ქართულ ენაზე ქიმიური ტერმინოლოგიის შექმნის საქმეს. სახელმძღვანელო წარმოადგენს ზოგადი ქიმიის კურსს, რომელშიც გაშუქებულია კლასიკური ქიმიის მეცნიერული საფუძვლები და მოცემულია ქიმიური ექსპერიმენტების მეთოდიკა. ქართველი თეატრალური მოღვაწისა და მსახიობის ეფროსინე კლდიაშვილის შვილი.

წყარო: განმანათლებლობა საქართველოში, იდეები და მოღვაწეები: nateba.webbreeze.net; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.133; საქართველო: ენციკლოპედია: ტ.5. -თბ.,2023. -გვ. 80

• ქ. ნოვოროსიის უნივერსიტეტთან არსებულ ბუნებისმეტყველთა საზოგადოება, ნამდვილი წევრი (1901-)

• მოკლე მინერალური ქიმია : სპეციალური ნაწილი (Author). - ტფილისი, ქართველთა ამხ. სტ., 1905. - 233, IIგვ.