რობერტ სტურუა

დაბადების ადგილი: სოფელი ნაბაკევი, დაბა კულაში (სამტრედიის რაიონი).

სწავლობდა თბილისის სამხატვრო აკადემიაში 1933 წლიდან; მოსკოვის სურიკოვის სახელობის სამხატვრო ინსტიტუტში მონუმენტური ფერწერის ფაკულტეტზე 1939 წლიდან.

მუშაობდა მხატვრად შოთა რუსთაველის სახელობის სახელმწიფო აკადემიურ თეატრში. მისი ნამუშევრებია: "გამარჯვების ზეიმი" - ჭიათურის აკაკი წერეთლის სახელობის თეატრის დარბაზის პლაფონის მოხატულობა (1945-1950); "ხალხთა მეგობრობა" - სოფელ შრომის (ოზურგეთის რაიონი) კულტურის სახლის დარბაზის პლაფონი (1953-1956); "ბოროტსა სძლია კეთილმან" - მეშახტეთა კულტურის სახლი, ტყიბული (1957-1960); ჭიათურაში, მეტალურგთა კულტურის სახლის პლაფონი; გმირულ-რომანტიკული ხასიათის მონუმენტური მოხატულობა თბილისში საქართველოს სახალხო მეურნეობის მიღწევათა გამოფენაზე და სხვა. ასევე მუშაობდა დაზგურ ფერწერაშიც, პორტრეტის ჟანრში. შექმნა ისტორიულ პირთა და თანამედროვეთა პორტრეტები: "შოთა რუსთაველი", "თამარ მეფე", "დავით გურამიშვილი", "ნინო ჭავჭავაძე", "პ. კობახიძე", "კ. კალაძე", "ვ. გელოვანი" და სხვა. აღსანიშნავია მისი შესრულებული საქართველოს სხვადასხვა კუთხის პეიზაჟები. საგულისხმოა ნამუშევრებიც წიგნის გრაფიკაში. ფერმწერ-მონუმენტალისტი. მონუმენტური ფერწერის თვალსაჩინო წარმომადგენელი. რეჟისორ რობერტ სტურუას მამა.

წყარო: მამულიშვილთა სავანე. - თბ., 1994. - გვ.324; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.343; კარგ ქართველთა საფლავები: geonecropol.ge

• 1965 - საქართველოს სსრ სახალხო მხატვარი
• 1951 - სსრკ სახელმწიფო პრემია