ლელო კლიმიაშვილი

დაბადების ადგილი: სოფელი რუისი, ახლანდელი ქარელის მუნიციპალიტეტი.

საქართველოს რესპუბლიკის (1918-1921) ჯარის პორუჩიკი. საქართველოს გასაბჭოების შემდეგ მსახურობდა საქართველოს წითელ არმიაში. ამავდროულად, მოღვაწეობდა ანტისაბჭოთა იატაკქვეშა წინააღმდეგობის მოძრაობაში. იყო ეროვნულ-დემოკრატიული პარტიის სამხედრო ორგანიზაციის და საქართველოს დამოუკიდებლობის კომიტეტის მიერ შექმნილი "სამხედრო ცენტრის" წევრი. ჩეკას დოკუმენტებით, შეთქმულებთან მიჰქონდა ცნობები და ქაქუცა ჩოლოყაშვილის რაზმისთვის იბირებდა ოფიცრებს. 1923 წელს ჩეკამ დააპატიმრა და თბილისში, დღევანდელი ვაკის პარკის ტერიტორიაზე სამხედრო ცენტრის სხვა 14 წევრთან ერთად დახვრიტა. ივანე (ვანო) კლიმიაშვილის ძმა.

წყარო: რადიო თავისუფლება: radiotavisupleba.ge; ინფორმაციის თავისუფლების განვითარების ინსტიტუტი - დახვრეტილი "სამხედრო ცენტრი".-თბ.,2016.-გვ.8,გვ.31