ივანე კოკოჩაშვილი

დაბადების ადგილი: ქ. ახალციხე.

ერთ-ერთი ოფიციალური წყაროს მიხედვით, ქუთაისელი კათოლიკეები გარდა ვაჭრობისა და მეწარმეობისა, გამოირჩეოდნენ სხვა საქმიანობაშიც; მრავალი მათგანი ფრიად განსწავლული და განათლებული პიროვნება იყო. მათ შორის აღსანიშნავია ივანე პეტრეს ძე კოკოჩაშვილი. ის დახელოვნებული იყო სამედიცინო დარგში, თვითონ ამზადებდა წამლებს და უფასოდ ურიგებდა ავადმყოფებს. მან მე-19 საუკუნის პირველ ნახევარში თავისსავე სახლში "სამკურნალო აფთიაქი" გახსნა. მისივე დამსახურებაა "ბოტანიკური ლექსიკონის" შედგენა ლათინურ, არაბულ, ოსმალურ, სომხურ და რუსულ ენებზე. აფთიაქარი, პროვიზორი, მკურნალი, ქველმოქმედი. ფარმაცევტისა და პროვიზორის პეტრე-პავლე კოკოჩაშვილის მამა.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.729; ვიქტორ კოკოჩაშვილი : მეცნიერი, პედაგოგი, პიროვნება /ჟუჟუნა ფეიქრიშვილი.-თბ., 2022.- "უნივერსალი" გვ.17-18 (dspace.nplg.gov.ge); ქართველი კათოლიკე ექიმები, ნაწ.1. -თბ., 2024. - გვ.40-42