ალექსი ჭინჭარაული

დაბადების ადგილი:  სოფელი შატილი, დუშეთის რაიონი. 

დაამთავრა თბილისის სახელმწიფო უნივერსიტეტის ფილოლოგიის ფაკულტეტის კავკასიური ენების განყოფილება 1955 წელს; საქართველოს მეცნიერებათა აკადემიის არნოლდ ჩიქობავას სახელობის ენათმეცნიერების ინსტიტუტის ასპირანტურა 1958 წელს.

1958 წელს მუშაობა დაიწყო არნოლდ ჩიქობავას სახელობის ენათმეცნიერების ინსტიტუტის ლექსიკოლოგიის განყოფილებაში. მონაწილეობდა "ქართული ენის განმარტებითი ლექსიკონის" და შემდეგ ამ ლექსიკონის ერთტომეულის შედგენის სამუშაოებში. აქვს ენათმეცნიერული შრომები "ვეფხისტყაოსნის" ტექსტისა და ენის, ვაჟა–ფშაველას თხზულებათა ტექსტისა და ენის, ქართული ენის დიალექტებისა და სხვთა შესახებ. გამოქვეყნებული აქვს გამოკვლევები "ვეფხისტყაოსნის" ავტორის სადაურობის საკითხისათვის. ლექსიკოლოგიის განყოფილებაში მუშაობისას შეადგინა "ხევსურული ლექსიკონი" (დაახლოებით 25 000 სიტყვა-სტატია) და "ფშაური ლექსიკონი" (დაახლ. 15 000 სიტყვა-სტატია). ქართული პოეტური ფოლკლორის შენაძენად იქცა ალექსი ჭინჭარაულის მიერ გამოთქმული კაფიები და სახალისო ლექსები. ფილოლოგიის მეცნიერებათა დოქტორი, პროფესორი.

სადისერტაციო თემა- "მხატვრული ტექსტის ენობრივი ანალიზის საკითხები ("ვეფხისტყაოსნისა" და ვაჟა-ფშაველას თხზულებათა მიხედვით)", დაიცვა 1992 წელს.

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.72; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.245; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.386

• გელათის მეცნიერებათა აკადემია, აკადემიკოსი

• 2007 - პრემია "საგურამო", ჰუმანიტარული მეცნიერება
• 1999 - ღირსების ორდენი
  ქართული ენათმეცნიერების განვითარებაში, ქართული ხალხური სიტყვიერების კვლევასა და მის პოპულარიზაციაში შეტანილი პირადი დიდი წვლილისათვის, ნაყოფიერი სამეცნიერო და საზოგადოებრივი მოღვაწეობისათვის

• ხევსურული ლექსიკონი = Khevsurian Dictionary (ავტორი). - თბილისი, ქართული ენა, 2005. - 1179გვ.
• ხუმრობაგაშვებით (ავტორი). - თბილისი, საქ. კპ ცკ-ის გამ-ბა, 1986. - 63გვ.
• მთას ვიყავ : ხევსურული სურათები (ავტორი). - თბილისი, საბჭოთა საქართველო, 1980. - 210გვ.
• ვაჟა-ფშაველას თხზულებათა ტექსტის დადგენისათვის (ავტორი). - თბილისი, თსუ–ს გამ–ბა, 1977. - 193გვ.
• ვაჟა–ფშაველას მცირე ლექსიკონი (შემდგენელი). - თბილისი, თსუ–ს გამ–ბა, 1969. - 366გვ.