
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ნათელა იმედაძე

Date of birth:	2 June, 1929 (94 years)
Category:	Scientist, Educator, Psychologist

Biography

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1952 წელს; საქართველოს მეცნიერებათა აკადემიის დ. უზნაძის სახელობის ფსიქოლოგიის ინსტიტუტის ასპირანტურა - 1955 წელს.

სამეცნიერო მოღვაწეობის დასაწყისშივე გამოკვეთა კვლევის ძირითადი მიმართულებები: ფსიქოლინგვისტიკა, მეტყველების განვითარება, მეორე ენის დაუფლება, სტრესი, მისი როლი სწავლაში. 1957-1978წწ. - დ. უზნაძის სახელობის ფსიქოლოგიის ინსტიტუტის პედაგოგიური ფსიქოლოგიის განყოფილების უფროსი მეცნიერ თანამშრომელი; 1973-2006წწ. სულხან-საბა ორბელიანის პედაგოგიურ უნივერსიტეტში ფსიქოლოგიის კათედრის გამგე, აქვე კითხულობდა ზოგადი, ასაკობრივი და პედაგოგიური ფსიქოლოგიის კურსებს; 2006-2010წწ. ილიას უნივერსიტეტის სრული პროფესორი, კითხულობდა კურსებს: ასაკობრივი ფსიქოლოგია, უცხო ენის სწავლების ფსიქოლოგია. შემდგომში ილიას უნივერსიტეტის პროფესორ-ემერიტუსი. გამოქვეყნებული აქვს 110 ნაშრომი, მათ შორის 3 მონოგრაფია, 14 ნაშრომი გამოქვეყნებულია საზღვარგარეთ. აქტიურად მონაწილეობდა ფსიქოლოგთა საერთაშორისო კონგრესებში (იაპონია, გერმანია, უნგრეთი, რუსეთი), ასაკობრივი ფსიქოლოგიის საკითხებთან დაკავშირებულ ევროპულ კონფერენციებში (იტალია, ლიტვა). 1995-1996 და 2001-2002წწ. მონაწილეობდა ერთობლივ საერთაშორისო პროექტებში (გერმანია, შვეიცარია), საერთაშორისო სიმპოზიუმებში (პოლონეთი, ავსტრია). წაიკითხა ლექციების კურსები: ბილინგვიზმის ფსიქოლოგია – ბუდაპეშტში და ფსიქოლინგვისტიკაში კელნის უნივერსიტეტში. ფსიქოლოგი, ფსიქოლოგიის მეცნიერებათა დოქტორი, პროფესორი.

საკანდიდატო დისერტაციის თემა - "ბავშვის მიერ ორი ენის ერთდროული დაუფლების ფსიქოლოგიური ანალიზი" (თსუ სადისერტაციო საბჭო), დაიცვა 1958 წელს; სადოქტორო დისერტაციის თემა - "მეორე ენის დაუფლების ექსპერიმენტული კვლევები" (დ. უზნაძის სახ. ფსიქოლოგიის ინსტიტუტის სადისერტაციო საბჭო), დაიცვა 1978 წელს.

წყარო: საქართველო: ენციკლოპედია: ტ. IV. -თბ., 2018. -გვ.240; მეცნიერი ქალი: geowomen.wordpress.com; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.183

Member of Organizations

პედაგოგიურ მეცნიერებათა აკადემია, წევრი

Awards and Honors

1997 - ღირსების მედალი

Bibliography

პროფესიული უნარები:როგორ მოვემზადოთ პედაგოგთა [2011 წლის] სასერტიფიკაციო გამოცდებისათვის (Co-Author). - თბილისი, 2010. - 164გვ.. - ISBN: 978-9941-0-3070-3
სტრესი და სწავლა უმცროს სასკოლო ასაკში (Editor). - ბათუმი, შოთა რუსთაველის სახელმწ. უნ-ტი, 2009. - 169გვ.. - ISBN: 978-9941-409-49-3
ფსიქოლოგიური გამოკვლევები = Психологические исследования : კრებული (Co-Author). - ბათუმი, შოთა რუსთაველის სახელმწ. უნ-ტი, 2006. - 247გვ.. - ISBN: 99940-25-69-4
ბავშვთა აგრესია (Editor). - თბილისი, საარი, 2006. - 232გვ.. - ISBN: 99940-0-959-1
ემოციური აღზრდის ფსიქოლოგიური საფუძვლები (Author). - თბილისი, ცოდნა, 1973. - 32გვ.
გრიგოლ კოსტავა (Author). - თბილისი, ხელოვნება, 1972. - 57გვ.