ზურაბ სარჯველაძე

დაბადების ადგილი: სოფელი ჯუნ-ეწერი, ლანჩხუთის რაიონი.

დაამთავრა თბილისის სახელმწიფო უნივერსიტეტი 1962 წელს.

1962-1968წწ. იყო გორის პედაგოგიური ინსტიტუტის ქართული ენის კათედრის უფროსი მასწავლებელი; 1968-1970წწ. თბილისის ხელნაწერთა ინსტიტუტის უმცროსი, ხოლო 1970-1975წწ. უფროსი მეცნიერ-თანამშრომელი; ამავე წლებში იყო თბილისის პედაგოგიური ინსტიტუტის ქართული ენის კათედრის უფროსი მასწავლებელი; 1982-1986წწ. თბილისის სახელმწიფო უნივერსიტეტის ს/კ ლაბორატორია "ორიონის" უფროსი, წამყვანი მეცნიერ-თანამშრომელი; 1994-1997წწ. პედაგოგიური უნივერსიტეტის ქართული ენის კათედრის გამგე; 1993 წლიდან ამავე უნივერსიტეტის პრორექტორი სამეცნიერო ნაწილში, ხოლო 1997 წლიდან ქართული ენის კათედრის გამგე. გამოქვეყნებული აქვს 70-მდე სტატია ქართულ, რუსულ და გერმანულ ენაზე. მიღებული აქვს საქართველოს სსრ განათლების სამინისტროს პირველი პრემია (1987), ალექსანდრე ჰუმბოლდტის სახელობის საერთაშორისო პრემია (1994), გეორგ როზენის სახელობის პრემია (2000).  

საკანდიდატო დისერტაციის თემა – "XI-XIII საუკუნეთა ქართული წერილობითი ძეგლების ორთოგრაფიულ-ფონეტიკური თავისებურებანი", დაიცვა 1969 წელს; სადოქტორი დისერტაციის თემა - "ქართული ენის ისტორიული ფონეტიკისა და გრამატიკის ძირითადი საკითხები", დაიცვა 1973 წელს. 

წყარო: თბილისის სახელმწიფო უნივერსიტეტის ვებ-გვერდი: tsu.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.183

• საქართველოს მეცნიერებათა აკადემია, წევრ-კორესპონდენტი (2001-2002)

• 2000 - თბილისის სახელმწიფო უნივერსიტეტის პრემია
• 1997 - ღირსების ორდენი
• 1993 - აკაკი შანიძის სახელობის პრემია

• ძველი ქართული ენის სიტყვის კონა (ავტორი). - თბილისი, სახ. პედ. უნ-ტის გამ-ბა, 2001. - 288გვ.
• ქართველურ ენათა ეტიმოლოგიური ლექსიკონი (თანაავტორი). - თბილისი, პირველი სტამბა, 2000. - 818გვ.. - ISBN: 99928-77-14-6
• აკაკი შანიძე : ცხოვრება და მოღვაწეობა (თანაავტორი). - თბილისი, თბილ. უნ-ტის გამ-ბა, 1987. - 358გვ.
• მიხეილ ჯავახიშვილი და ქართული სალიტერატურო ენის საკითხები : ლექტორთა დასახმარებლად (ავტორი). - თბილისი, ცოდნა, 1984. - 31გვ.
• ქართული სალიტერატურო ენის ისტორიის შესავალი : დამხმ. სახელმძღვ. (ავტორი). - თბილისი, განათლება, 1984. - 656გვ.
• ხანმეტ და ჰაემეტ ტექსტებში დადასტურებულ ზმნის პირიან ფორმათა საძიებელი (ავტორი). - თბილისი, მეცნიერება, 1971. - 150გვ.