ბარბარე ჯორჯაძე

დაბადების ადგილი: სოფელი ქისტაური, ახლანდელი ახმეტის რაიონი.

ლიტერატურული მოღვაწეობა დაიწყო 1858 წლიდან ჟურნალ "ცისკარში". "მამებისა" და "შვილების" ბრძოლაში "მამების" პოზიციას იცავდა. იგი რომანტიკული სკოლის წარმომადგენელია. მოგვიანებით ქართველ სამოციანელთა შეხედულებებიც გაიზიარა (ლექსი "გაზაფხული" და სხვ.) წერდა ლექსებს, მოთხრობებს, პუბლიცისტურ წერილებს. მისი პოეზია გამსჭვალულია მოქალაქეობრივი ტკივილით, სამშობლოს სიყვარულით ("ლენქორანი", "მოჩვენება"), ჩაგრულთა თანაგრძნობით ("თედორეს საჩივარი"), უსამართლო მოხელეთა სიძულვილით ("გამომძიებელს", "რას იბღინძები") და სხვ. დრამაში "შური"(1863) და კომედიაში "რას ვეძებდი და რა ვპოვე"(1865) მწერალი ამჟღავნებდა ინტერესს სოციალური პრობლემებისადმი, ცდილობდა რეალისტურად წარმოესახა იმდროინდელი საზოგადოების ურთიერთობანი, მაგრამ მაინც მამაპაპურ მყუდროებას შეჩვეული ქართველი თავადაზნაურობის პოზიციაზე დარჩა. ქართველი მწერალი, საზოგადო მოღვაწე, რაფიელ ერისთავის და.

წყარო: ქართული საბჭოთა ენციკლოპედია: ტ.11.-თბ., 1987.-გვ.573; ნეკროლოგი // ივერია : საპოლიტიკო და სალიტერატურო ყოველდღიური გაზეთი. - თბილისი, 1895. - 14 აპრილი. - N77. - გვ.1: (dspace.nplg.gov.ge)

• სრული სამზარეულო (ავტორი). - თბილისი, საბჭ. საქართველო, 1988. - 368გვ.
• ლექსები, პიესები, მოთხრობები, წერილები (ავტორი). - თბილისი, მერანი, 1986. - 230გვ.
• ქართული სამზარეულო და საოჯახო სამეურნეო ნაცადნი ცნობანი : დამატებით ზოგიერთთა რუსულთა საჭმელთა (ავტორი). - ტფილისი, ე. ხელაძის სტ., 1874. - 165გვ.
• შური : დრამა სამს მოქმედებად და ერთს სურათად (ავტორი). - ტფილისი, კერესელიძის ტიპოგრაფია, 1865. - 85გვ.