თამაზ ბაძაღუა

დაბადების ადგილი: მარტვილის რ-ნი, სოფ. ნახუნაო.

დაამთავრა თბილისის ივანე ჯავახიშვილის სახელობის უნივერსიტეტი 1980 წელს.

1980 წელს დაიწყო მუშაობა მხატვრული თარგმანის მთავარ სარედაქციო კოლეგიაში. 1982 წელს გამოსცა პირველი წიგნი, "მესამე ზარი". ჯერ კიდევ სტუდენტობის დროს ისწავლა იტალიური ენა და თარგმნიდა  ცნობილი იტალიელი პოეტების ნაწარმოებს. 1985 წელს გამომცემლობა "განათლებამ" დასტამბა მის მიერ თარგმნილი ჯაკომო ლეოპარდის ლექსები. თარგმნა პიერ პაოლო პაზოლინის, მიქელანჯელო ბუენაროტის, გიიომ აპოლინერის, რაინერ მარია რილკეს ლექსები. მუშაობდა დრამატურგიაშიც.  იყო ახალგაზრდა დრამატურგთა ბიჭინთვის სემინარის უცვლელი წევრი. მისი პიესები იდგმებოდა რუსთავის, თბილისის სანდრო ახმეტელის სახელობის, ერთი მსახიობის თეატრებში. მისი პირველი პიესა გახლდათ  "იფიგენია", ხოლო ბოლო, "ღამე და თუთიყუში". 2001 წელს ერთი მსახიობის თეატრში დაიდგა მისი პიესა, "ღამე და თუთიყუში". თამაზ ბაძაღუას პიესები: "რექვიემი ვერცხლის ქორწილისათვის", "ღუზა ჩაუშვი, ანგელოზო", "ძველი როიალი" წარმატებით იდგმებოდა თეატრების სცენაზე. პროზაშიც სცადა ბედი. 1982 წელს, "ცისკრის  ბიბლიოთეკის"  N3-4 ნომერში გამოქვეყნდა მისი მოთხრობა "დღე".   

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.53-54; burusi.wordpress.com; poetry.ge; armuri.georgianforum.com

• სიზმარში მაინც ვხვდებით ერთმანეთს : ლექსები, თარგმანები (ავტორი). - თბილისი, 2009. - 160გვ.. - ISBN: 978-9941-0-1726-1
• ღუზა ჩაუშვი, ანგელოზო!; ძველი როიალი; მარადიული მონები; იფიგენია : პიესები (ავტორი) // დრამატურგია 95, საქ. მწერალთა კავშირის ლიტ. ალმანახი . - თბილისი, მერანი, 1996. - გვ. 5-147
• ქვასა და სიტყვებს შორის : ლექსები, თარგმანები (ავტორი). - თბილისი, მერანი, 1988. - 271გვ.
• ღამე და თუთიყუში : ერთმოქმედებიანი პიესა-მონოლოგი (ავტორი). - თბილისი, 1988. - 39გვ.
• მესამე ზარი : ლექსები (ავტორი). - თბილისი, მერანი, 1982. - 51გვ.