ილია ალხაზიშვილი

დაბადების ადგილი: სოფელი ზიარი, გურჯაანის რაიონი.

დაამთავრა ხარკოვის უნივერსიტეტის სამკურნალო ფაკულტეტი 1891 წელს.

1892-1918წწ. მუშაობდა პროვიზორად საკუთარ აფთიაქში ქ. ახალქალაქში; ეწეოდა ფართო საზოგადოებრივ მოღვაწეობას:  გახსნა ბიბლიოთეკა-სამკითხველოები და სკოლები; დააარსა ქართული გიმნაზია ახალქალაქში; იყო წერა-კითხვის გამავრცელებელი საზოგადოების ჯავახეთის რწმუნებული; იბეჭდებოდა მისი თხზულებანი ქართულ ჟურნალ-გაზეთებში 1875 წლიდან. გამოქვეყნებული აქვს 300- ზე მეტი სტატია. ავტორია ეთნოგრაფიული-ფოლკლორული, ისტორიული და სამედიცინო ნაშრომებისა: "ბუნება და ცხოვრება" (1897), "მტკვარი, ჭოროხი, რიონი" (1912–1914), "სამკურნალო მცენარენი საქართველოში" (1899), "ვარძიის მონასტერი" და სხვა. დიდი წვლილი მიუძღვის ქართული სამეცნიერო ტერმინოლოგიის შემუშავებაში: "საანატომიო და საფიზიოლოგიო ტერმინები" (1913), "ქართული ენა და სამეცნიერო ტერმინოლოგია" (1915), "ბუნების ლექსიკონი" (1916). საქმიანი ურთიერთობა ჰქონდა ცნობილ ქართველ მწერლებთან და საზოგადო მოღვაწეებთან. მნიშვნელოვანია მისი ღვაწლი ქართული საბუნებისმეტყველო-სამედიცინო ტერმინოლოგიის დამუშავება-დამკვიდრებაში. აღსანიშნავია მისი სამედიცინო მეცნიერული შრომები: "დიფტერიტი", "ჰიგიენა", "სწავლა სამკურნალო საშუალებათა", "ფარმაცევტული ტერმინები ქართულ ენაზედ", "სამკურნალო მცენარენი" და სხვა. ეთნოგრაფ-ბიბლიოგრაფი, ბუნებისმეტყველი, პროვიზორი.

წყარო: ქართული საბჭოთა ენციკლოპედია: ტ.1.- თბ.- გვ.346; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.128; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.700-701

• ჯავახური ლეგენდები : ისტ.-ეთნოგრ. ნარკვევები. ლექსები (ავტორი). - თბილისი, მერანი, 1978. - 227გვ
• დიფტერიტი. (ჩვენებურად ყალათმა, ხუნაგი, ანუ ყელჭირვება) : ამ ჭირის ცნობა, მისგან თავის დაცვა და მისი წამლობა (ავტორი). - თბილისი, ს. კ. ზუბალაშვილის საფასით იაფ-ფასიანი გამოცემა, N2, 1902. - 34გვ.
• ბუნება სურათებში : ჯეჯილის ალბომი (ავტორი). - თფილისი, გრ. ჩარკვიანის სტ., 1899. - 21გვ.
• ბუნება და ცხოვრება : მგზავრის დღიურიდგან (ავტორი). - თფილისი, ექ. ივ. ხელაძის სტ, 1897. - 192გვ.