ბონდო არველაძე

დაბადების ადგილი: ქ. თბილისი

დაამთავრა დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი სომხური ფილოლოგიის განხრით 1956 წელს.

ლიტერატურათმცოდნე, არმენისტი, ეწეოდა ჟურნალისტურ საქმიანობას. მისი შრომები, რომლებიც ძირითადად ეძღვნება ქართულ-სომხურ ლიტერატურულ-კულტურულ ურთიერთობას, გამოქვეყნებულია ქართულ, რუსულ და სომხურ ენებზე. ბ. არველაძის წიგნებიდან აღსანიშნავია: "ქართულ-სომხური ლიტერატურული ურთიერთობის ისტორიიდან" (1967), "ნარკვევები XX საუკუნის ქართულ-სომხური ლიტერატურული ურთიერთობის ისტორიიდან" (1969), "ოვანეს თუმანიანი და საქართველო" (1969), "მეგობრობის ნათელი ფურცლები" (1976), "ეღიშე ჩარენცი და საქართველო" (1977), "იოსებ გრიშაშვილის პოეტური სამყარო", "ქართულ-სომხური ლიტერატურული ურთიერთობანი XIX-XX საუკუნეებში" (ქართული საზოგადოებისა და ხ. აბოვიანის, გ. სუნდუკიანის, ჰ. თუმანიანის შემოქმედება, 1978), "ვაჰან ტერიანი" (1985), "ძმობის ჩუქურთმა", "საიათნოვა" (1988) და სხვა. ფილოლოგიის მეცნიერებათა დოქტორი(1980).

წყარო: საქართველო: ენციკლოპედია ტ. 1. -თბ., 1997. -გვ. 194

• ქვანი კვლავ ღაღადებენ : სტატიები და გამოკვლევები (ავტორი). - თბილისი, 2004. - 444გვ.
• ლეონ მელიქსეთ-ბეგი : ცხოვრება და შემოქმედება (ავტორი). - თბილისი, დედაენა, 2002. - 404გვ.
• საიათნოვა. (ავტორი). - თბილისი, 1988. - 30გვ.
• ძმობის ჩუქურთმა : იოსებ გრიშაშვილის პოეტური და ლიტ. მოღვაწეობა (ავტორი). - თბილისი, საბჭ. საქართველო, 1987. - 211გვ.