მიხეილ ანთაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1978 წელს, თბილისის სახელმწიფო თეატრალური ინსტიტუტის კინოსარეჟისორო ფაკულტეტი 1987 წელს.

1979-1986წწ. იყო სახკინოს რედაქტორი; 1991-1995წწ. კინოკომპანია "შემოქმედის" გენერალური დირექტორი; 1995-2004წწ. "ზღაპრის თეატრის" ხელმძღვანელი; "ზღაპრის ჟურნალისა" (2001) და "ზღაპრის გაზეთის" გამომცემელი და რედაქტორი(2002-2004); 2004-2007წწ. განათლების სამინისტროს ბავშვთა ესთეტიკური ცენტრის დირექტორი; ნ. დუმბაძის სახელობის სახელმწიფო ცენტრალური საბავშვო თეატრის მმართველი რეჟისორი(2007); 1986 წლიდან კ/ს "ქართული ფილმის" რეჟისორი; არის ავტორი სასწავლო მეთოდისა "თეატრალიზებული სწავლა/სწავლება; რომანებისა "პურის მარცვალი"(1984), "კომედიანტის საათი"(1991), "ცოფი"(2005) და პროზაული კრებულებისა. გადაღებული აქვს ფილმები: "მეჯლისი გაყიდულ სახლში(1986), "ფაქტები რეჟისორის ცხოვრებიდან"(1988), "30 სანტიმეტრი ზღვის დონიდან" (1989), "ოქროს ობობა" (1992) და სხვა. დადგმული აქვს 40-მდე ზღაპარ-სპექტაკლი, მათ შორის: "ნაცარქექია", "ორი ცრუპენტელა", "ტელეფონი", "კონკია", "ფიფქია", "კომბლე", "თოვლის ბაბუას არჩევნები", "ჰარი პოტერი და მისი მეგობრები", "ზღაპარი მუსიკის შესახებ" და სხვა.

წყარო: ეროვნული ფილმოგრაფიის პორტალი: geocinema.ge

• მწერალთა კავშირი, წევრი (1990-)

• 1987 - მონტე-კარლოს საერთაშორისო ფესტივალი "მთვარის გლობუსი" (გრან-პრის მფლობელი)

• მთვარე ფინჯანში : მინიატურები (ავტორი). - თბილისი, ენა და კულტურა, 2006. - 335გვ.
• დუეტი (ავტორი). - თბილისი, ენა და კულტურა, 2005. - 134გვ.
• ცოფი : მოთხრობები (ავტორი). - თბილისი, მერანი, 1996. - 288გვ.
• კომენდანტის საათი (ავტორი). - თბილისი, საქინფორმკინო, 1991. - 175გვ.
• პურის მარცვალი : მოთხრობა (ავტორი). - თბილისი, მერანი, 1984. - 208გვ.