ირინე მელიქიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის კავკასიურ ენათა განყოფილება 1965 წელს.

1965-1968წწ. იყო საქართველოს მეცნიერებათა აკადემიის ენათმეცნიერების ინსტიტუტის ზოგადი ენათმეცნიერების განყოფილების უფროსი ლაბორანტი; 1968-1986წწ. - უმცროსი და უფროსი მეცნიერ-თანამშრომელი; 1995-2005წწ. - სულხან საბა ორბელიანის სახელობის პედაგოგიური ინსტიტუტის ქართულ ენათა კვლევის ლაბორატორიის მეცნიერ- თანამშრომელი; 1986-2006წწ. - გ. წერეთლის სახელობის აღმოსავლეთმცოდნეობის ინსტიტუტის ზოგადი ფონეტიკისა და აღმოსავლურ ენათა ტიპოლოგიის განყოფილების წამყვანი მეცნიერ-თანამშრომელი; 2006 წლიდან - ამავე ინსტიტუტის უფროსი მეცნიერ-თანამშრომელი; 2000 წლიდან - თბილისის სახელმწიფო უნივერსიტეტის ჰუმანიტარული ფაკულტეტის თეორიული და შედარებითი ენათმეცნიერებისა და ფონეტიკის ინსტიტუტის პროფესორი; 2005-2006წწ. - კათედრის გამგის მოვალეობის შემსრულებელი; 2006 წლიდან - ამავე ინსტიტუტის სრული პროფესორი. 65 სტატიისა და 2 მონოგრაფიის ავტორი. ფილოლოგიის მეცნიერებათა დოქტორი (1997), პროფესორი. 

საკანდიდატო დისერტაციის თემა – "მარკირების მიმართება ფონოლოგიაში", დაიცვა 1972 წელს; სადოქტორო დისერტაციის თემა – "საერთო ქართველური ძირი სტრუქტურული და ტიპოლოგიური თვალსაზრისით", დაიცვა 1997 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.480; თბილისის სახელმწიფო უნივერსიტეტი: tsu.ge; opentext.org.ge; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია:  georgianencyclopedia.ge

• საქართველოს მეცნიერებათა ეროვნული აკადემია, წევრ–კორესპონდენტი (2009-)
• ტიპოლოგთა საერთაშორისო ასოციაცია, წევრი

• 2010 - ივ. ჯავახიშვილის სახელობის მედალი
• 2003 - ღირსების ორდენი

• სულიერი სამყაროს ზღურბლი: აფორიზმული მსჯელობანი/რუდოლფ შტაინერი (მთარგმნელი). - თბილისი, ციონი: აკაკი ხიდაშელი, 2011. - 160გვ. . - ISBN: 9789941036415
• გლოტალიზაცია ქართველურ ენებში აკუსტიკური და ფუნქციონალური თვალსაზრისით = The acoustic and functional study of glottalized phonemes (Ejectives) in kartvelian languages (თანაავტორი). - თბილისი, უნივერსალი, 2011. - 290გვ.. - ISBN: 978-9941-17-351-6
• ძირის სტრუქტურათა ტიპოლოგია და საერთო-ქართველური ძირი (ავტორი). - თბილისი, უნივერსალი, 2009. - 204გვ.. - ISBN: 978-9941-12-506-5
• იდუმალთმეტყველების ნარკვევი/რუდოლფ შტაინერი (მთარგმნელი). - თბილისი, ცოტნე, 2003. - 367გვ.