მერაბ დვალი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1972–1973წწ. იყო თვალის რესპუბლიკური საავადმყოფოს ინტერნი; 1973–1975წწ. მოსკოვის I სამედიცინო ინსტიტუტის თვალის სნეულებათა კათედრის კლინიკური ორდინატორი; 1975–1978წწ. - თბილისის ექიმთა დახელოვნების ინსტიტუტის თვალის სნეულებათა კათედრის ასპირანტი; 1978–1980წწ. თვალის სნეულებათა საკავშირო სამეცნიერო ინსტიტუტის უმცროსი მეცნიერ–თანამშრომელი; 1980–1989წწ. - ამავე ინსტიტუტის თვალის მიკროქირურგიისა და რეკონსტრუქციული ქირურგიის განყოფილების უფროსი მეცნიერ–თანამშრომელი; 1989–1997წწ. თბილისის ექიმთა დახელოვნების ინსტიტუტის (შემდგომში - სახელმწიფო სამედიცინო აკადემია) მკურნალობის ახალი მიკროქირურგიული მეთოდების შემმუშავებელი განყოფილების ხელმძღვანელი, 1997 წლიდან - თბილისის სახელმწიფო სამედიცინო უნივერსიტეტის თვალის სნეულებათა კათედრის პროფესორი. ავტორია 76 სამეცნიერო ნაშრომის, 8 საავტორო ნაშრომში გაშუქებულია ამეტროპიისა და კატარაქტის მიკროქირურგიის საკითხები; გამოქვეყნებული აქვს ერთი მონოგრაფია: "თვალი და დიაბეტი"(თბილისი, 1998). ექიმი–ოფთალმოლოგი, მედიცინის მეცნიერებათა დოქტორი, პროფესორი. მიღებული აქვს ჩინეთის რესპუბლიკის "ხალხთა მეგობრობის" ორდენი (1992).

საკანდიდატო დისერტაციის თემა - "აფაკიის კორექცია ექსტრაპაპილარული ირის ლინზით", დაიცვა 1978 წელს.

სადოქტორო დისერტაციის თემა - "მაღალი ხარისხის ამეტროპიის ენდოკულარული კორექციის სახეები", დაიცვა 1989 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.91; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.148; geodoc.ge

• 2002 - საქართველოს სახელმწიფო პრემია, მეცნიერების და ტექნიკის დარგში
  საქართველოში თვალის მიკროქირურგიის განვითარების საქმეში შეტანილი პირადი წვლილისათვის
• 1992 - ჩინეთის რესპუბლიკის "ხალხთა მეგობრობის" ორდენი

• თვალი და დიაბეტი (Co-Author). - თბილისი, 1998. - 25გვ.