შესვლა |
|
|
English Georgian |
დასაწყისიკატეგორიები |
ძიება საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ. ლექსიკონის მხარდამჭერია საქართველოს პარლამენტის ეროვნული ბიბლიოთეკა. პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო. |
გიორგი ტიგინაშვილი
ბიოგრაფიადაბადების ადგილი: თიანეთის რაიონი. დაამთავრა თბილისის სასულიერო სემინარია 2008 წელს; თბილისის სასულიერო აკადემია 2009 წელს. 2004-2006წწ. იყო საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრში საზოგადოებასთან ურთიერთობის კომიტეტის თავმჯდომარე; 2006-2012 წწ. საეკლესიო გაზეთ "სიონი"-ს კორესპონდენტი; 2007-2008წწ. მუშაობდა ი. ნიკოლაძის სახელობის სამხატვრო სასწავლებელში საღვთო სჯულის პედაგოგად; 2009-2011წწ. სკოლა ლიცეუმ "სხივში" რელიგიისა და კულტურის პედაგოგად; 2010-2011წწ. დამოუკიდებელ საერო გიმნაზია "შავნაბადა"-ში რელიგიის ისტორიისა და სექტოლოგიის პედაგოგად; 2009-2011წწ. ქ. ბოლნისის წმ. იოანე ბოლნელის სახელობის სასულიერო გიმნაზია "საღვთო სჯული"-ს ძვ. ქართული დამწერლობისა და მსოფლიო ეკლესიის ისტორიის პედაგოგად; პერიოდულად ეწევა პუბლიცისტურ მოღვაწეობას საზოგადოებრივ, რელიგიურ, პოლიტიკურ თუ სოციალურ საკითხებში. ავტორია სამეცნიერო წიგნისა: "უწმინდესი და უნეტარესი კირიონ II და ქართული საზოგადოება"(2011). გამოცემული აქვს საკუთარი ნოველების, ლექსების, ესეების, წერილებისა და ინტერვიუების კრებულები: "მადლიერება"(2013), "მუდმივი აწმყო"(2013); 2015-2016წწ. ტელეკომპანია "ქართული არხი"-ს საავტორო გადაცემის "ზვარაკად შეწირულნი" წამყვანი; არის საქართველოს მართლმადიდებელი ეკლესიის უახლესი ისტორიის მკვლევარი. ორგანიზაციის, ასოციაციის ან ჯგუფის წევრი
ბიბლიოგრაფია
|
Biographical Dictionary. version 1.2.2.R1 Copyright © 2010-2012 by David A. Mchedlishvili |