მიხეილ გიგინეიშვილი

დაბადების ადგილი: ქ. სამტრედია.

დაამთავრა თბილისის სამედიცინო ინსტიტუტის სამკურნალო ფაკულტეტი 1933 წელს.

თბილისის სამედიცინო ინსტიტუტის დამთავრების შემდგომ მუშაობა დაიწყო ინსტიტუტის მეანობა-გინეკოლოგიის კათედრაზე ორდინატორად; 1935-1952წწ. იყო თბილისის სახელმწიფო სამედიცინო ინსტიტუტის მეანობა-გინეკოლოგიის კათედრის ასისტენტი; იმავდროულად 1941-1946წწ. თბილისის სამეანო-საფერშლო სკოლის დირექტორი; 1949-1950წწ. დედათა და ბავშვთა დაცვის სამეცნიერო კვლევითი ინსტიტუტის გინეკოლოგიური განყოფილების ხელმძღვანელი; 1952-1968წწ. თბილისის სახელმწიფო სამედიცინო ინსტიტუტის მეანობა-გინეკოლოგიის კათედრის დოცენტი; 1964–1970წწ. ამავე კათედრის პროფესორი; 1970–1983წწ. ამავე კათედრის გამგე; 1983-1998წწ. პროფესორი - კონსულტანტი; არის 105-მდე სამეცნიერო ნაშრომის, რომელთა შორის 10 მონოგრაფიაა და რამდენიმე სახელმძღვანელოს ავტორი. შეისწავლიდა ქალის სასქესო ორგანოების კიბოს, ექსპერიმენტულად აქვს გამოკვლეული სამშობიარო აქტის მექანიზმი, ორსულთა სისხლის შრატში არსებული სასქესო ჰორმონები, მათთან დაკავშირებულ ბიოლოგიურად აქტიური ნივთიერებების გავლენა საშვილოსნოს ნერვულ-კუნთოვან სისტემაზე და სხვ. სახელმძღვანელოებისათვის "მეანობა" (1983) და "გინეკოლოგია" (1987, თანაავტორი მ. მ. გიგინეიშვილი) 1989 მიენიჭა საქართველოს სახელმწიფო პრემია. მიღებული აქვს სახელმწიფო ჯილდოები. პროფესორ მიხეილ გიგინეიშვილის მამა. მედიცინის მეცნიერებათა დოქტორი (1945), პროფესორი (1987). მეან-გინეკოლოგი.

წყარო: საქართველო: ენციკლოპედია: ტ.1.–თბ., 1997.–გვ.615; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ. 790-791

• თბილისის მეან-გინეკოლოგთა საზოგადოება, თავმჯდომარე (1972-)

• 1989 - სახელმწიფო პრემია (მიხეილ გიგინეიშვილთან (შვილი) ერთად)
  მეანობა : სახელმძღვ. სამედ. ინ-ტის სტუდენტთათვის/მიხეილ ს. გიგინეიშვილი, მიხეილ გიგინეიშვილი .- თბილისი: განათლება.- 1983.-555გვ.
• 1989 - სახელმწიფო პრემია (მიხეილ გიგინეიშვილთან (შვილი) ერთად)
  გინეკოლოგია : სახელმძღვ. სამედ. ინ-ტის სტუდ./მიხეილ ს. გიგინეიშვილი, მიხელ გიგინეიშვილი.- თბილისი: განათლება, 1987.- 526გვ.
• 1987 - საქართველოს მეცნიერებათა დამსახურებული მოღვაწე

• გინეკოლოგია (თანაავტორი). - თბილისი, განათლება, 1987. - 526გვ.
• კლინიკური რეცეპტურა მეანობასა და გინეკოლოგიაში (თანაავტორი). - თბილისი, განათლება, 1987. - 46გვ.