გივი გოგიჩაიშვილი

დაბადების ადგილი: ქ. ზუგდიდი.

დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტი 1940 წელს; თბილისის სახელმწიფო უნივერსიტეტის ქართული ენისა და ლიტერატურის ფაკულტეტი - 1942 წელს.

1940 წლიდან - ქ. ქუთაისის ლ. მესხიშვილის სახელობის თეატრის მსახიობი; 1942 წლიდან - თბილისის შოთა რუსთაველის სახელობის თეატრის მსახიობი; 1946 წლიდან - ხელოვნების საქმეთა სამმართველოს თეატრალური განყოფილების უფროსი ინსპექტორი, რეპერტკომის პოლიტრედაქტორი; 1950-1954წწ. - ჟურნალ "ნიანგის" ლიტმუშაკი; 1960-1962წწ. - ქვიშხეთის მწერალთა შემოქმედებითი სახლის დირექტორი; 1962-1966წწ. - საქართველოს მწერალთა კავშირის კლუბის დირექტორი; 1966 წლიდან - მწერალთა კავშირის ლიტერატურული კონსულტანტი. 1944 წელს გამოაქვეყნა პირველი მოთხრობა "გადამწყვეტი შამათი"; 1953 წელს მოთხრობების პირველი კრებული "ცისარტყელა"; ავტორია რომანებისა: "პირველი დღეები" (1959), "გაზაფხულიდან გაზაფხულამდე" (1965), "სამაია" (1975); მარტინა მინტეგი–ბილბაოსთან ერთად თარგმნა ბ. პერეს გალდოსის, რ. პანილიას თხზულებელი; მისი რამდენიმე რომანი და მოთხრობა თარგმნილია რუსულ, უკრაინულ, აზერბაიჯანულ ენებზე.

წყარო: საქართველო: ენციკლოპედია: ტ.2. – თბ., 2012. – გვ.64; წყარო: მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.567-572

• საქართველოს საბჭოთა მწერლების კავშირი, წევრი (1952-)

• ჭინჭარა : მოთხრობები (ავტორი). - თბილისი, ნაკადული, 1976. - 122გვ.
• სამაია : რომანი (ავტორი). - თბილისი, მერანი, 1975. - 247გვ.
• გაზაფხულიდან გაზაფხულამდე : რომანი (ავტორი). - თბილისი, საბჭ. საქართველო, 1965. - 168გვ.
• გენაცვალე : იუმორისტული მოთხრობები (ავტორი). - თბილისი, საქ. კპ ცეკა-ს გამ-ბა, 1956. - 64გვ.
• ცისარტყელა : მოთხრობები (ავტორი). - თბილისი, საბლიტგამი, 1953. - 117გვ.