ვლადიმერ გერსამია

დაბადების ადგილი: სოფელი ახუთი, ჩხორუწყუს რაიონი.  

დაამთავრა თბილისის სახელმწიფო უნივერსიტეტის სამკურნალო ფაკულტეტი 1923 წელს.

მუშაობდა საფაკულტეტო თერაპიის კათედრაზე ასისტენტად; 1933–1936წწ. ხელმძღვანელობდა საკურორტო ადგილების (მენჯი, სქური, მუხური, ნაბეღლავი) შემსწავლელ ექსპედიციებს; 1941–1946წწ. არმიის რიგებში იყო; 1952–1957წწ. განაგებდა თბილისის სამედიცინო ინსტიტუტის საფაკულტეტო თერაპიის კათედრას; 1957–1965წწ. ხელმძღვანელობდა პედიატრიული, სანჰიგიენური და სტომატოლოგიური ფაკულტეტების ჰოსპიტალური თერაპიის კათედრას. მუშაობდა სამხარეო პათოლოგიის, კლინიკური ფარმაკოლოგიისა და კურორტოლოგიის საკითხებზე. მედიცინის მეცნიერებათა დოქტორი (1960), პროფესორი (1961). მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.601; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.533

• 1964 - საქართველოს მეცნიერებათა დამსახურებული მოღვაწე