მანანა ხვედელიძე

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორიის მუსიკისმცოდნეობა-საკომპოზიციო ფაკულტეტი 1983 წელს. თბილისის სახელმწიფო კონსერვატორიის ხელოვნებათმცოდნეობის მეორედი ფაკულტეტი 1982 წელს; მოსკოვის კონსერვატორიის ასპირანტურა 1985 წელს.

1985 წლიდან მუშაობდა საქართველოს ტელერადიოკორპორაციაში უმცროს რედაქტორად, რედაქტორად, უფროს რედაქტორად; 1988-1996წწ. იყო თბილისის "ნიჭიერთა ათწლედის" პედაგოგი; 1994-1997წწ. იყო რადიოკომპანია "ევრიკის" ხელმძღვანელი; 1995-2004წწ. თანამედროვე და ჯაზის ხელოვნების აკადემიის ლექტორი. 2010 წლიდან თბილისის სახელმწიფო კონსერვატორიის პედაგოგი; 1995-2010წწ.  "რადიო-2"-ის ხელმძღვანელი; 1999-2004წწ. საქართველოს "რადიო-1"-ის პროგრამების მთავარი დირექტორი და გენერალური დირექტორის მოადგილე. ორგანიზაციების: "მესამე ასაკი", "იმიჯი-პრო", "აკაკი რამიშვილისფონდი", "ტრადიცია და ინოვაცია" ერთ-ერთი დამფუძნებელი.  გამოქვეყნებული აქვს სტატიები ჟურნალებსა და გაზეთებში. ავტორია გადაცემებისა: "საუბარი კონცერტის შემდეგ", "საკონცერტო დარბაზებსა და თეატრებში", "100 ოპერა", სიუჟეტებისა რადიოჟურნალ "ჩანგში", პროგრამაში: "მაცნე" და საავტორო პროგრამაში "კონცერტი 6 სათზე"; რადიო და ტელეგადაცემებისა ქართველ და უცხოელ მუსიკოსებზე. მუსიკათმცოდნე.

წყარო: ვინ ვინაა საქართველოში: ქართული ბიოგრაფიული ცნობარი. - 1998-1999. - გვ. 416; ქართული მუსიკის ენციკლოპედიური ლექსიკონი. – თბ., 2015. – გვ. 583

• საქართველოს კომპოზიტორთა კავშირი, წევრი
• საქართველოს ჟურნალისტთა ფედერაცია, წევრი

• 1999 - ღირსების მედალი
  საქართველოში მიმდინარე რეფორმების მაღალკვალიფიციურ დონეზე წარმოჩენაში, თემის აქტუალობით გამორჩეული გადაცემების მომზადებაში, უცხოეთის ქვეყნებზე რადიომაუწყებლობის გაფართოებაში, რადიოს ოქროს ფონდის შექმნაში შეტანილი პირადი წვლილისა და რადიოს სამაუწყებლო შემოქმედებითი არსენალის განახლების პროცესში აქტიური მონაწილეობისათვის