ვლადიმერ გაბელია

დაბადების ადგილი: სოფელი ნახარებაო, მარტვილის რაიონი.

დაამთავრა თბილისის უცხო ენათა პედაგოგიური ინსტიტუტი 1966 წელს.

ცეკვა დაიწყო 1950-იდან თბილისის მოსწავლე ახალგაზრდობის სასახლის ქორეოგრაფიულ წრეში (ხელმძღვ. ა. ჩიხლაძე); შემდეგ მეცადინეობა განაგრძო ცნობილ ქორეოგრაფებთან მ. ბახტაძესთან, რ. ჭოხონელიძესა და ბ. დარახველიძესთან. 1959–1961წწ. თბილისის მოსწავლე ახალგაზრდობის სასახლეში მუშაობდა პედაგოგ-ქორეოგრაფად; 1961-იდან იყო საქართველოს ხალხური ცეკვის სახელმწიფო აკადემიური დამსახურებული ანსამბლის სოლისტი მოცეკვავე; მისი შესრულება გამოირჩეოდა მაღალი პროფესიულობით, ცეცხლოვანი ტემპერამენტით. აღსანიშნავია მის მიერ შესრულებული სოლო პარტიები ცეკვებში "მხედრული", "ხანჯლური", "აჭარული", "კინტოური", ანსამბლთან ერთად გასტროლებით იყო მსოფლიოს მრავალ ქვეყანაში. მიღებული აქვს სახელმწიფო ჯილდოები; 1990 წლებში იყო დიპლომატიურ სამსახურში.

წყარო: საქართველო: ენციკლოპედია: ტ.I.–თბ., 1997.–გვ.519; ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988, გვ.182

• 1971 - საქართველოს დამსახურებული არტისტი