
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

თემურ ჩხეიძე

Date of birth:	18 November, 1943
Date of death:	5 June, 2022 (at 78 years)
Burial location:	დიდუბის მწერალთა და საზოგადო მოღვაწეთა პანთეონი, თბილისი
Category:	Filmmaker

Biography

დაბადების ადგილი: ქ. თბილისი.

დაამთავრა თბილისის სახელმწიფო თეატრალური ინსტიტუტის სარეჟისორო ფაკულტეტი 1965 წელს.

1967-1970წწ. მუშაობდა თბილისის მოზარდ მაყურებელთა ქართულ თეატრში; 1970-1980წწ. იყო თბილისის შოთა რუსთაველის სახელობის სახელმწიფო აკადემიური თეატრის რეჟისორი; 1980-1990წწ. - კოტე მარჯანიშვილის სახელობის აკადემიური თეატრის სამხატვრო ხელმძღვანელი. მისი რეჟისურა გამოირჩევა მკვეთრად გამოხატული შემოქმედებითი ინდივიდუალიზმითა და ხელწერით, მაღალი პროფესიონალიზმით, დახვეწილი გემოვნებით, მხატვრული ფანტაზიით, მეტაფორული აზროვნებით, ნაწარმოების ღრმა ფსიქოლოგიური წვდომით, მსახიობებთან მუშაობის ოსტატობით. მისი საუკეთესო დადგმებია: ვ. დარასელის "კიკვიძე", ი. ოტჩენაშეკის "რომეო, ჯულიეტა და წყვდიადი", დ. კლდიაშვილის "უბედურება" (მოზარდ მაყურებელთა ქართული თეატრი), ფ. გარსია ლორკას "ბერნარდა ალბას სახლი", შ. დადიანის "გუშინდელნი", დ. კლდიაშვილის "სამანიშვილის დედინაცვალი" (რ. სტურუასთან ერთად რუსთაველის სახელობის თეატრში), უ. შექსპირის "ოტელო", მ. ჯავახიშვილის "ჯაყოს ხიზნები", ფ. დოსტოევსკის "მარადი ქმარი" (მარჯანიშვილის თეატრში) და სხვა. გადაღებულია კინოფილმში "მშობლიურო ჩემო მიწავ! (გიორგი თორელი, ლენინური პრემია, 1986). პარალელურად მუშაობდა პეტერბურგის დიდ დრამატულ თეატრში, მარინის თეატრში. დადგმული აქვს სპექტაკლები მოსკოვში, გენუაში, მადრიდში, ნიუ-იორკში. რეჟისორისა და მსახიობის ბიჭიკო (ნოდარ) ჩხეიძის და მსახიობ მედეა ჩახავას შვილი.

წყარო: ვინ ვინაა საქართველოში: ქართული ბიოგრაფიული ცნობარი. – 1998-1999. - გვ.375; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.171; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.407; კარგ ქართველთა საფლავები: geonecropol.ge

Awards and Honors

2013 - ილიას მედალი (მარად და ყველგან, საქართველოვ, მე ვარ შენთანა)
ქართული კულტურისა და სულიერების წინაშე განსაკუთრებული ღვაწლისათვის
2010 - თბილისის საპატიო მოქალაქე
2009 - რუსეთის ფედერაციის ღირსების ორდენი
1997 - სანქტ პეტერბურგის უმაღლესი თეატრალური პრემია "ოქროს სოფიტი", რეჟისორის საუკეთესო ნამუშევარი, ჟან ანუის "ანტიგონეს" დადგმისათვის
1994 - რუსეთის ფედერაციის სახალხო არტისტი
1986 - ლენინური პრემია
1981 - საქართველოს სახალხო არტისტი
საპატიო ნიშნის ორდენი
"ოქროს გრან-პრი"
რუსეთის ფედერაციის თეატრალური პრემია "ოქროს ნიღაბი"
შოთა რუსთაველის სახელობის სახელმწიფო პრემია
კოტე მარჯანიშვილის სახელობის პრემია
მიხეილ თუმანიშვილის სახელობის პრემია
საქართველოს თეატრალური პრემია "ოქროს ნიღაბი"(ორგზის მფლობელი)
გოგი გეგეჭკორის სახელობის "ქართული ხელოვნების რაინდი" ლაურეატი
სანქტ-პეტერბურგის თეატრალური პრემია "ოქროს ნიღაბი"