ქაიხოსრო გურამიშვილი

XVIII საუკუნის 30–იან წლებში იმყოფებოდა რუსეთში, იოსებ სამებელის(ქობულაშვილი) ამალაში; მიიღო ნოვგოროდის იოანე ნათლისმცემლის მონასტრის იღუმენობა; მოსკოვის ქართული ახალშენის მოღვაწეთა დავალებით მან პეტერბურგის მეცნიერებათა აკადემიაში მოამზადებინა ქართული შრიფტისა და სტამბის მოწყობილობა; მანვე წარადგინა კალიგრაფიული ქართული ანბანი და ასოთა რიცხვითი მნიშვნელობანი; რუსი, ქართველი და გერმანელი სპეციალისტების ერთობლივი შრომით აქვე დაიბეჭდა "ანბანი"(ქართული, გერმანული, რუსული) საკითხავი მასალითურთ; იყო ამ გამოცემის ქართული ნაწილის რედაქტორი; 1737 წელის შემოდგომაზე მოეწყო პირველი ქართული სატმბა მოსკოვში; იყო საგამომცემლო გეგმის ერთ–ერთი თანაავტორი და შემდეგ ამ გეგმის განმახორციელებელი; ანტონ I-თან ერთად მისი ხელმძღვანელობით გამოსული წიგნები ხელს უწყობდა ქართული კულტურის აღმავლობას; მას მნიშვნელოვანი წვლილი მიუძღვის ქართული სტამბის აღდგენაში; მან შემდგომში მისიონერული მოღვაწეობა გაშალა ჩრდილოეთ კავკასიაში; დიდი ენერგია შეალია ოსი და ამიერკავკასიაში მოსახლე სხვა ხალხების კულტურულ აღორძინებას, მეზობელ ხალხთა დაახლოებას; მოსკოვის ქართული ახალშენის თვალსაჩინო მოღვაწე, ქართული შრიფტისა და რუსეთში პირველი ქართული სტამბის პრაქტიკული ორგანიზატორი, მმართველი და რედაქტორ–გამომცემელი, მისიონერი.

წყარო: საქართველო: ენციკლოპედია: ტ.2. – თბ., 2012. – გვ.210

• ოსეთის სასულიერო კომისია, აქტიური წევრი

• რუსულ-ქართული ანბანი (თანაავტორი). - ს.-პეტერბურგი, სამეცნ. აკადემიის გამოც. და სტ., 1737. - 32გვ.