რევაზ გურგენიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1955 წელს.

1958-1962წწ. მუშაობდა კლინიკური და ექსპერიმენტული ნევროლოგიის ინსტიტუტის უმცროს მეცნიერ თანამშრომლად; 1962-1969წწ. უფროს მეცნიერ თანამშრომლად; 1972-1978წწ. ოფთალმოლოგიის ლაბორატორიის გამგედ; 1978-2005წწ. ოფთალმონევროლოგიის სამეცნიერო პრაქტიკული ცენტრის ხელმძღვანელად; მისი მუშაობის ძირითადი სფერო იყო ოფთალმოლოგიური სიმპტომებისა და სინდრომების მნიშვნელობის შესწავლა თავის ტვინის სისხლძარღვოვანი და სიმსივნური დაზიანების დიაგნოსტიკისა და დიფერენციული დიაგნოსტიკისთვის, აღნიშნული სიმპტომოკომპლექსების პათოგენეზური მექანიზმების ახსნა, მხედველობის გზის მსვლელობის და მისი სტრუქტურის დაზუსტება; ავტორია მრავალი სამეცნიერო შრომისა, მათ შორის 6 მონოგრაფიის და 4 მეთოდური რეკომენდაციის; მიღებული აქვს სახელმწიფო ჯილდოები; ოფთალმოლოგი, მედიცინის მეცნიერებათა დოქტორი (1963), პროფესორი (1969).

წყარო: საქართველო: ენციკლოპედია: ტ.2. – თბ., 2012. – გვ.214;  წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.357

• საქართველოს მედიცინის მეცნიერებათა აკადემია, წევრი (1996-)
• საქართველოს ოფთალმოლოგთა სამეცნიერო საზოგადოების გამგეობა, თავმჯდომარე (1982-2005)

• 1998 - ღირსების ორდენი
  მოსახლეობის ჯანმრთელობის დაცვაში შეტანილი პირადი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისათვისა და ნაყოფიერი მოღვაწეობისათვის

• თვალის მამოძრავებელი აპარატი და მისი დაზიანების სემიოლოგია (Author). - თბილისი, 2002
• მხედველობის გზის კლინიკური ანატომია (Co-Author). - თბილისი, 2001
• ნიკოლოზ ბერაძე (Co-Author). - თბილისი, საბჭ. საქართველო, 1982. - 24გვ.