ათანასე (მიტროპოლიტი)

დაბადების ადგილი: სოფელი კარდანახი, გურჯაანის რაიონი.  

დაამთავრა ქვემო მაჩხაანის ზოოვეტტექნიკუმი 1959 წელს; მცხეთის სასულიერო სემინარია 1967 წელს.

იკურთხა დიაკვნის ხარისხში, ეწოდა სახელი ანდრია და განაწესეს სიონის საპატრიარქო ტაძარში; 1968 წელს გაიწვიეს ალავერდის ეპარქიაში, აკურთხეს მღვდლად და განწესებულ იქნა ბოდბის წმიდა ნინოს ეკლესიაში მეორე მღვდლად; 1969-1970წწ. მსახურობდა თელავის ღვთაების ეკლესიაში, ხოლო 1971-1979წწ.  იყო გურჯაანის რაიონის სოფელ ველისციხის ღვთისმშობლის სახელობის ეკლესიის წინამძღვარი; 1978 წელს მამა ანდრია აღიკვეცა ბერად და ეწოდა სახელი ათანასე, იგი აყვანილ იქნა არქიმანდრიტის ხარისხში და სვეტიცხოვლის საპატრიარქო ტაძარში აკურთხეს ბოდბელ ეპისკოპოსად; 1982 წელს აღყვანილ იქნა მთავარეპისკოპოსის, ხოლო 1989 წელს მიტროპოლიტის ხარისხში; 1992 წელს იგი გადაყვანილ იქნა ალავერდელ მიტროპოლიტად; 1993 წელს დაბრუნდა ბოდბის კათედრაზე, საიდანაც 1996 წლის 21 ოქტომბერს დადგინდა რუსთველ მიტროპოლიტად.  2009 წლიდან მიტროპოლიტი ათანასე პენსიაზე იმყოფებოდა.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ.7; საქართველოს საპატრიარქო - ბათუმისა და ლაზეთის ეპარქია: eparchy-batumi.ge; tabula.ge