მირიან ტუხაშვილი

დაბადების ადგილი: სოფელი ბოდბისხევი, სიღნაღის რაიონი. 

დაამთავრა თბილისის სახელმწიფო უნივერსიტეტის ეკონომიკის ფაკულტეტი შრომის ეკონომიკის სპეციალობით 1969 წელს.

1972-1988წწ. - თბილისის სახელმწიფო უნივერსიტეტი, მრეწველობის, შრომის და სოფლის მეურნეობის ეკონომიკის კათედრის ასისტენტი; 1988-1990წწ. - ამავე კათედრის უფროსი მასწავლებელი; 1990-1997წწ. - ეკონომიკის კათედრის დოცენტი; 1997-2002წწ. - პროფესორი; 2002-2006წწ. - შრომის ეკონომიკის კათედრის გამგე; 2006-2009წწ. - სრული პროფესორი, შრომის ეკონომიკის კათედრის გამგე; 2009 წლიდან - თბილისის სახელმწიფო უნივერსიტეტისსრული პროფესორი, მაკროეკონომიკის კათედრა. სამეცნიერო ნაშრომების ავტორი. 2004 წელს თავის კოლეგებსა და მოწაფეებთან ერთად დააარსა მიგრაციისა და კვლევის ცენტრი; ხელმძღვანელობდა ევროკავშირის გრანტების გამოკვლეულ და შემდგომ ინგლისურ ენაზე გამოცემულ ფართოდ გახმაურებულ კოლექტიურ ნაშრომებს; მისი რედაქტორობით მიგრაციის კვლევის ცენტრი უშვებს სამეცნიერო სერიას - "მიგრაცია"; 2011 წლიდან პროფესორ ფ. ფარგუსის მიწვევით ევროპის უნივერსიტეტის ინსტიტუტის მიგრაციის პოლიტიკის ცენტრის ექპერტი(ფლორენცია) და პროექტ "Garm East"-ის აქტიური მონაწილე. მის ნაშრომებში მკვეთრადაა გამოკვეთილი საქართველოს მიგრაციული უსაფრთხოების პოზიცია; ხელმძღვანელობს სამეცნიერო პროექტს - "სტუდენტთა პოტენციური ემიგრაცია". ეკონომიკის მეცნიერებათა დოქტორი  (1997), პროფესორი (2000).

სადოქტორო დისერტაციის თემა - "საქართველოს შრომითი პოტენციალის ფორმირება და განაწილება", დაიცვა 1997 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.535; თბილისის სახელმწიფო უნივერსიტეტი: tsu.ge

• მიგრაციული ექსპანსიის დასასრული და რუსეთის "ახალი მიგრაციული პოლიტიკა" (ავტორი). - თბილისი, უნივერსალი, 2009. - 59გვ. . - ISBN: 978-9941-12-453-2
• საქართველოს შრომითი პოტენციალი : დემოგრაფ. პრობლემები (ავტორი). - თბილისი, თბილ. უნ-ტის გამ-ბა, 1996. - 84გვ.
• საქართველოს მოსახლეობის მიგრაცია (ავტორი). - თბილისი, ლამპარი, 1996. - 59გვ.
• საქართველოს მოსახლეობის განათლების პოტენციალი (ავტორი). - თბილისი, ლამპარი, 1995. - 46გვ.
• შრომითი რესურსების ფორმირება და გამოყენება საქართველოს საშუალო და პატარა ქალაქებში (ავტორი). - თბილისი, თბილ. უნ-ტის გამ-ბა, 1990. - 180გვ.