ნათელა დემეტრაშვილი

დაბადების ადგილი: თეთრი წყარო.

დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტის სარეჟისორო ფაკულტეტი 1963 წელს.

1963-1964წწ. რეჟისორად მუშაობდა თბილისის სანკულტურის თეატრში; 1964-1967წწ. გორის გ. ერისთავის სახელობის სახელმწიფო დრამატულ თეატრში; 1967-1987წწ. სათავეში ედგა მესხეთის(ქ. ახალციხე) განახლებულ დრამატულ თეატრს; 1967-1976წწ. იყო ამავე თეატრის მთავარი რეჟისორი; 1976-1987წწ. დირექტორი და სამხატვრო ხელმძღვანელი; 1987-2007წწ. ეწეოდა პედაგოგიურ მოღვაწეობას საქართველოს შოთა რუსთაველის სახელობის სახელმწიფო თეატრალურ ინსტიტუტში; სპექტაკლები დადგა თბილისის ა. გრიბოედოვის სახელობის, ქუთაისის ლ. მესხიშვილის სახელობის, ჭიათურის სახელმწიფო დრამატულ და რუსთავის დრამატულ თეატრებში; მისი საუკეთესო ნამუშევრებია: კ. ვიტლინგერის "ვარსკვლავიდან ჩამოსული კაცი", ნ. დუმბაძის "მზიანი ღამე", ო. ჩხეიძის "თედორე", ა. გეწაძის "პაემანი ცაში", ფ. შილერის "ყაჩაღები", კ. ბუაჩიძის "ეზოში ავი ძაღლია"; მისი სპექტაკლები (ა. გეწაძის "გზა, ყარამანს ქალი მოჰყავს", "წმინდანები ჯოჯოხეთში") წარმატებით დაიდგა კირჯალის (ბულგარეთი) დრამატულ თეატრში; მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. – თბ., 2012. – გვ.373; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.95

• 2010 - სანდრო ახმეტელის სახელობის პრემია
• 1998 - ღირსების ორდენი
  ქართული თეატრალური ხელოვნების განვითარებისა და მისი პოპულარიზაციის საქმეში შეტანილი დიდი წვლილისა და ნაყოფიერი შემოქმედებითი მოღვაწეობისათვის
• 1983 - საქართველოს სახალხო არტისტი