
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ვახტანგ ჭაბუკიანი

Date of birth:	27 February, 1910
Date of death:	6 April, 1992 (at 82 years)
Burial location:	მთაწმინდის ქართველ მწერალთა და საზოგადო მოღვაწეთა პანთეონი, თბილისი
Category:	Dancer, Educator

Biography

დაბადების ადგილი: ქ. თბილისი.

დაამთავრა პერინის სახელობის საბალეტო სტუდია 1924 წელს.

1922–1924წწ. სწავლობდა ზ. ფალიაშვილის სახელობის თბილისის ოპერისა და ბალეტის თეატრთან არსებულ მ. პერინის საბალეტო სტუდიაში, 1924 წელს ჩაირიცხა ამავე თეატრის დასში; 1926–1929წწ. ოსტატობას სრულყოფდა პეტერბურგის ქორეოგრაფიულ სასწავლებელში; 1929–1941წწ. იყო "მარიას" თეატრის სოლისტი, სადაც წამყვანი პარტიები შეასრულა ა. ბალანჩივაძის ბალეტ "მთების გულში"(1938), ა. კრეინის "ლაურენსიაში"(1939), მინკუსის "დონ კიხოტში", ადანის "ჟიზელში", პ. ჩაიკოვსკის "გედების ტბაში"; 1941–1973წწ. მოღვაწეობდა თბილისში, სადაც თბილისის ოპერისა და ბალეტის თეატრში მუშაობდა ბალეტმაისტერად, 1968 წლამდე იყო ამ დასის მოცეკვავეც; თბილისის ოპერისა და ბალეტის თეატრში დადგა ა. ბალანჩივაძის "მთების გული"(1936), გ. კილაძის "სინათლე"(1947), დ. თორაძის "გორდა"(1949) და "მშვიდობისათვის"(1953), ა. მაჭავარიანის "ოტელო"(1957), ს. ცინცაძის "დემონი"(1961), ფ. ღლონტის "განთიადი"(1967) და მსოფლიო კლასიკური საბალეტო რეპერტუარის მრავალი ნიმუში; 1950–1973წწ. ხელმძღვანელობდა თბილისის ქორეოგრაფიულ სასწავლებელს; 1982 წლიდან იყო სასწავლებლის მთავარი კონსულტანტი, აგრეთვე კლასიკური ცეკვის წამყვანი პედაგოგი ოპერისა და ბალეტის თეატრში და სასწავლებელში; მისი მოსწავლე–სტუდენტები იყვნენ: ნინო ანანიაშვილი, ირმა ნიორაძე, ნიკა ცისკარიძე, იგორ ზელენსკი, დათო მახათელი, ელენე გლურჯიძე, ლალი კანდელაკი; 1965–1973წწ. ხელმძღვანელობდა შ. რუსთაველის სახელობის თბილისის თეატრალური ინსტიტუტის საბალეტმაისტერო განყოფილებას; მან საკუთარი სცენარით დადგა კინოფილმები – "ქართული ბალეტის ოსტატები"(1955) და "ოტელო"(1961); გასტროლებს მართავდა საზღვარგარეთ(აშშ, იტალია, ლათინური ამერიკა); სპექტაკლები დადგა საზღვარგარეთის თეატრების სცენებზე; საბალეტო ხელოვნებაში დაამკვიდრა მამაკაცური კლასიკური ცეკვის ჰეროიკული სტილი; მისი საცეკვაო და საბალეტმაისტერო მოღვაწეობა მთელი ეპოქაა ქართული ბალეტის ისტორიაში და მსოფლიო საბალეტო ხელოვნების ერთ–ერთი მნიშვნელოვანი ფურცელი; ქართული პროფესიული ბალეტის ფუძემდებელი.

წყარო: მუსიკის ენციკლოპედიური ლექსიკონი. – თბ., 2007. – გვ. 328

Awards and Honors

1958 - ლენინური პრემია, ბალეტ "ოტელოს" დადგმისა და შესრულებისთვის
1950 - სსრკ სახალხო არტისტი
საქართველოს სახალხო არტისტი