ვასილ აბაშიძე

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1955 წელს.

1955–1977წწ. იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი (ბალეტის მოცეკვავე); 1965–1997წწ. - თბილისის ქორეოგრაფიული სასწავლებლის პედაგოგი; 1972–1973წწ. - ქ. ბაღდადში (ერაყი) საბალეტო დასის ერთ-ერთი დამაარსებელი; 1976–1977წწ. - ქ. სტარაია ზაგორა (ბულგარეთი) საბალეტო სტუდიის პედაგოგი; 1977–1978წწ. - ქ. კიევში ვ. ჭაბუკიანის ასისტენტი "ყინულზე ბალეტის" დადგმაში; 1996–1999წწ. - ბათუმის ვახტანგ ჭაბუკიანის სახელობის საბალეტო სტუდიის დამაარსებელი და პედაგოგი. მისი შემოქმედებითი რეპერტუარი განეკუთვნებოდა კლასიკურ და სახასიათო ჟანრს. მას შესრულებული აქვს: ესპადა (მინკუსი "დონ–კიხოტი"), კომანდორი, ცეკვა კასტანეტებით (კრეინი "ლაურენსია"), როტბარი, ზიგფრიდი, ესპანური ცეკვა, დეზირე (პ. ჩაიკოვსკის "გედების ტბა", "მძინარე მზეთუნახავი"), ალბერი (ადანი "ჟიზელი"), ბრამინი (მინკუსი "ბაიადერა"), ასაკი ("ყინულის ქალწული"), ვალსი (მოშკოვსკი). მოსკოვში დაჯილდოვდა ორი ოქროსა და ერთი ვერცხლის მედლით. მსახიობ ტასო აბაშიძის შვილიშვილი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 6; კარგ ქართველთა საფლავები: geonecropol.ge; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.14

• 2003 - მემედ აბაშიძის სახელობის პრემია
• 2003 - აჭარის ავტონომიური რესპუბლიკის ხელოვნების დამსახურებული მოღვაწე
• 1980 - საქართველოს დამსახურებული არტისტი