ანდრო შუბლაძე

დაბადების ადგილი: სოფელი დიდი ჯიხაიში, ქუთაისის მაზრა. 

დაამთავრა ხონის საოსტატო სემინარია 1896 წელს.

1902 წლამდე მუშაობდა დიდი ჯიხაიშის ორკლასიან სკოლაში მესამე მასწავლებლად. 1902 წელს მიიწვიეს ძველი სენაკის ქართული სკოლის მასწავლებლად;  რევოლუციური მუშაობის გამო, 1906 წელს იძულებული იყო მიეტოვებინა  ძველი სენაკის ქართული სკოლა და მთიანი რაიონებისათვის შეეფარებინა თავი;  ერთი წლის მერე კვლავ თავის სკოლაში დაბრუნდა; 1911 წელს იგი ძველი სენაკის ქართული სკოლიდან ქუთაისის ქართულ გიმნაზიაში გადაიყვანეს მასწავლებლად. 1909 წელს გამოვიდა მისი  მეთოდური ბროშურა "სახმო წესით კითხვის სწავლება". 1916 წელს დაარსდა საქართველოს მასწავლებელთა კავშირი, რომლის გამგეობის წევრად იგი აირჩიეს. 1922 წელს დიდ ჯიხაიშში სასოფლო-სამეურნეო ტექნიკუმი გაიხსნა და იგი სიამოვნებით დათანხმდა დირექტორად ემუშვა, სადაც იგი 1930 წლამდე დარჩა, ხოლო მომდევნო ორი წელი იმავე თანამდებობაზე მუშობდა წინამძღვრიანთკარის სასოფლო-სამეურნეო ტექნიკუმში. 1932 წლიდან ამ სასწავლებლის რეორგანიზაციის გამო, თბილისში გააგრძელა მუშაობა სხვადასხვა სპეციალურსა და ზოგადი განათლების სასწავლებლებში; თანამშრომლობდა ჟურნალ-გაზეთებში. მისი წერილები, ძირითადად, მეთოდური, საყოფაცხოვრებო  და პედაგოგიური შინაარსისა იყო.

წყარო: http://nateba.net/index.php/biographies/172-shubladze

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1904-)

• 1925 - სსრკ შრომის გმირი

• სახმო წესით კითხვის სწავლება : სკოლის გამოცდილებიდან (ავტორი). - ქუთაისი, საამდროვო სამეცნიერო გამომცემლობა "კოლხიდა", 1909. - 36გვ.