არჩილ ბეგიჯანოვი

დაბადების ადგილი: ქ. თელავი.

დაამთავრა თბილისის პედაგოგიური ტექნიკუმი 1934 წელს(ისტორიული), ვანო სარაჯიშვილის სახელობის თბილისის სახელმწიფო კონსერვატორია 1936 წელს(სამეცნიერო-საკომპოზიციო).

1941 წელს გაიარა კვალიფიკაციის უმაღლესი კურსი ლენინგრადის კონსერვატორიის მუსიკისმცოდნეობის ფაკულტეტზე; 1932-1936წწ. იყო თბილისის N8 და N9 მუსიკალური სკოლების პედაგოგი(თეორიული საგნები); 1934-1936წწ. საქართველოს რადიოკომიტეტის მუსიკალური განყოფილების რედაქტორი, 1939-1940წწ. ლენინგრადის რადიოკომიტეტის პოლიტიკური განყოფილების რედაქტორი, 1940-1941წწ. ლენინგრადის სახელმწიფო საესტრადო ანსამბლის რეპერტუარის რედაქტორი; 1941-1943წწ. თბილისის I მუსიკალური სასწავლებლის სასწავლო ნაწილის გამგე; 1943-1957წწ. ვ. სარაჯიშვილის სახელობის თბილისის სახელმწიფო კონსერვატორიის მუსიკის ისტორიის კათედრის პედაგოგი(რუსული მუსიკის ისტორია); 1957-1959წწ. იყო პეკინის, თიენძინის(ჩინეთი) კონსერვატორიის პედაგოგი; 1959 წლიდან სიცოცხლის ბოლომდე თბილსის კონსერვატორიის პედაგოგი, მუსიკისმცოდნეობის მეცნიერებათა კანდიდატი; დაჯილდოებულია სახელმწიფო ჯილდოებით.

საკანდიდატო დისერტაციის თემა - "დ. არაყიშვილი და მისი საოპერო შემოქმედება", დაიცვა 1950 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 73