დევი ტაბიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1988 წელს.

1988-1990წწ. მუშაობდა მცხეთის რაიონულ საავადმყოფოში; 1990-1992წწ. იყო თბილისის სახელმწიფო სამედიცინო ინსტიტუტის ცენტრალური სამეცნიერო-კვლევითი ლაბორატორიის ჰეპატიტების სამეცნიერო ცენტრის უფროსი მეცნიერ-თანამშრომელი; 1992-1996წწ. ი. ჟორდანიას სახელობის სამეცნიერო-კვლევითი ინსტიტუტის ექიმი-ორდინატორი, გინეკოლოგ-ენდოკრინოლოგი, 1996 წლიდან საქართველოს ჯანმრთელობის დაცვის სამინისტროს, მინისტრის პირველი მოადგილის თანაშემწე-რეფერენტი და სამეცნიერო-საინფორმაციო ჟურნალ "რეპროდუქტოლოგიის" მენეჯერი. ავტორია 10 სამეცნიერო ნაშრომისა ეკოლოგიურ-ენდოკრინოლოგიისა და რეპროდუქტოლოგიის საკითხებზე. რეპროდუქტოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "საკვერცხეების პოლიკისტოზის მქონე პაციენტთა არაეფექტური ქირურგიული მკურნალობის შედეგების ანალიზი".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.258

• ენდოსკოპისტთა ასოციაცია, წევრი
• საქართველოს ექიმთა ასოციაცია, წევრი