ზურაბ ფაღავა

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1978–1983წწ. იყო აკადემიკოს მ. წინამძღვრიშვილის სახელობის კარდიოლოგიის ინსტიტუტის ექიმი; 1983–1988წწ. გულის უკმარისობის განყოფილების მეცნიერ–თანამშრომელი; 1988 წლიდან კარდიული რეაბილიტაციის განყოფილების ხელმძღვანელი. ავტორია 63 სამეცნიერო ნაშრომის. მუშაობს საქართველოში კარდიული რეაბილიტაციის ეროვნული პროგრამის კონცეფციის შემუშავებაზე. სამეცნიერო–პრაქტიკულ ხელმძღვანელობას უწევს სამეცნიერო თემატიკის დამუშავებას კარდიული რეაბილიტაციის და მეორადი პროფილაქტიკის პრევენციის შესახებ. კარდიოლოგი, მედიცინის მეცნიერებათა დოქტორი, პროფესორი.

სადოქტორო დისერტაციის თემა - "ფიზიკური რეაბილიტაციის გამოყენების კლინიკო–ფიზიოლოგიური დასაბუთება მიოკარდიუმის ინფარქტის ეტაპებზე", დაიცვა 1996 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.273

• ევროპის კარდიოლოგთა ასოციაცია, წევრი
• სამედიცინო რეაბილიტაციის განვითარების ქართული ფონდი, ხელმძღვანელი
• საქართველოს კარდიოლოგთა ასოციაცია, წევრი