რობერტ ქარჩხაძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1951 წელს.

1951-1952წწ. იყო დაღესტნის საუბნო საავადმყოფოს მთავარი ექიმი; 1952-1964წწ. თბილისის ვაქცინებისა და შრატების სამეცნიერო-კვლევითი ინსტიტუტის საშრატე განყოფილების გამგე; 1964 წლიდან თბილისის სახელმწიფო სამედიცინო ინსტიტუტის ცენტრალური სამეცნიერო-კვლევითი ლაბორატორიის უფროსი მეცნიერ-თანამშრომელი, შემდეგ ბიოქიმიის განყოფილების გამგე. ავტორია 75 სამეცნიერო ნაშრომისა, რომლებიც ეხება დიფტერიის და ტეტანუსის საწარმოო შტამების შერჩევასა და შესწავლას, იზოტოპების გამოყენებას ბაქტერიოფაგის  შესწავლის საკითხებში, ანტიტოქსიკური შრატების წარმოებას და მათი ხარისხისა და გამოსავლის გაუმჯობესების, ორგანიზმში მიმდინარე ბიოქიმიური ძვრების შესწავლას, მიოკარდის პათოლოგიების, ტრავმული შოკის, მწვავე სისხლდაკარგვების, სეფსისის დროს მკურნალობისა და პროგნოზირების საკითხებს. მედიცინის მეცნიერებათა კანდიდატი.

საკანდიდატო დისერტაციის თემა - "დიალიზისა და ფერმენტაციის მეთოდით გაწმენდილი და კონცენტრირებული ანტიტოქსიკური შრატების ხარისხისა და გამოსავლის გაუმჯობესება". 

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.283