ელგუჯა გუმბერიძე

დაბადების ადგილი: ქ. ქუთაისი.

ქორეოგრაფიული ხელოვნება შეისწავლა ჯერ ჭ. აგაევთან, შემდეგ, ქორეოგრაფიულ სტუდიაში, დ. უშვერიძის ხელმძღვანელობით; 1944 წელს მიიწვიეს ქუთაისის სიმღერისა და ცეკვის სახელმწიფო ანსამბლში, პარალელურად მუშაობდა ქორეოგრაფად სასოფლო–სამეურნეო ტექნიკუმში; 1944–1950წწ. იყო ქართული დივიზიის სიმღერისა და ცეკვის ანსამბლის ხელმძღვანელი; 1951 წლიდან მუშაობდა ქუთაისის კულტურის სახლში; 1952 წლიდან იყო ამიერკავკასიის სამხედრო ოლქის სიმღერისა და ცეკვის თვითმოქმედი ანსამბლის ქორეოგრაფი; 1953–1956წწ. ცეკვებს დგამდა: სოხუმის, ზუგდიდის, ცხაკაიას თეატრებში; 1960 წლიდან სათავეში ედგა ქუთაისის ქართული ხალხური ცეკვის ანსამბლს; 1965 წლიდან ტყიბულის ხალხური ცეკვის ანსამბლის ხელმძღვანელი; 1971–1976წწ. მუშაობდა ქუთაისის ქორეოგრაფიულ კოლექტივებში; 1978 წელს თერჯოლის სიმღერისა და ცეკვის ანსამბლმა, მისი ხელმძღვანელობით ინგლისში დიდი მოწონება დაიმდახურა; 1976 წლიდან იყო ქუთაისის ოპერის თეატრის ბალეტმაისტერი; მის მიერ დადგმული ცეკვები: "აჭარული სიუიტა", "აყვავებული აჭარა", "ნადირობა", "ლხინი", "ქაჯეთის ციხის აღება", სიუიტა "ღრეობა მთაში". 

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 129; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.362

• 1999 - ღირსების ორდენი
  ქართული მუსიკალური და თეატრალური ხელოვნების განვითარება-პოპულარიზაციაში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1982 - საქართველოს ხელოვნების დამსახურებული მოღვაწე