მანანა შეყლაშვილი

დაბადების ადგილი: ქ. ჭიათურა.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1963 წელს.

1965-1968წწ. იყო ჭიათურის მედ. სანნაწილის საავადმყოფოს ექიმი-თერაპევტი, ჰემატოლოგიისა და სისხლის გადასხმის ინსტიტუტის ასპირანტი; 1969-1978წწ. კლინიკური განყოფილების უფროსი მეცნიერ-თანამშრომელი; 1978-1984წწ. მუშაობდა თბილისის ექიმთა დახელოვნების ინსტიტუტში; 1984-1994წწ. იყო ჰემატოლოგიისა და სისხლის გადასხმის კათედრის დოცენტი, ჰემატოლოგიისა და სისხლის გადასხმის სამეცნიერო-კვლევითი ინსტიტუტის დისპანსერულ-პოლიკლინიკური განყოფილების ხელმძღვანელი; 1994 წლიდან კლინიკურ-დისპანსერული სამეცნიერო განყოფილების ხელმძღვანელი. ავტორია 120 სამეცნიერო ნაშრომისა, რომლებიც ეხება ლეიკოზების და ავთვისებიანი ლომფომების კლასიფიკაციას, დიაგნოსტიკას, მკურნალობას, პროგნოზს, მედიკო-სოციალურ რეაბილიტაციის და ეპიდემიოლოგიის პრობლემებს. გამოქვეყნებული აქვს მონოგრაფია: "ლეიკოზები და ავთვისებიანი ლიმფომები",("მეცნიერება", 1996). მისი ხელმძღვანელობით დაცულია 13 საკანდიდატო და 5 სადოქტორო დისერტაცია. ჰემატოლოგი, მედიცინის მეცნიერებათა დოქტორი, პროფესორი. თბილისის სახელმწიფო სამედიცინო უნივერსიტეტის ჰემატოლოგიის კათედრის გამგე. ჰემატოლოგიის და ტრანსფუზიოლოგიის კლინიკურ-დისპანსერული სამეცნიერო განყოფილების ხელმძღვანელი.

საკანდიდატო დისერტაციის თემა - "მწვავე ლეიკოზის ვარიანტები", დაიცვა 1969 წელს; სადოქტორო დისერტაციის თემა - "ლეიკემიზირებული ლიმფოსარკომების და ლიმფოლეიკოზების დიფერენციალური დიაგნოსტიკის თავისებურებანი", დაიცვა 1981 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.313; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.42

• თრომბოზისა და ჰემოსტაზის საერთაშორისო საზოგადოება, წევრი
• მედიკო-ბიოლოგიური აკადემია, აკადემიკოსი
• საქართველოს ტრანსფუზიოლოგთა და ჰემატოლოგთა საზოგადოება, წევრი

• 2000 - ღირსების ორდენი

• ლეიკოზები და ავთვისებიანი ლიმფომები : სახელმძღვ. (თანაავტორი). - თბილისი, მეცნიერება, 1996. - 246გვ.