ნანა ცხაკაია

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1973 წელს.

1973–1975წწ. - ორდინატურა თბილისის სახელმწიფო სამედიცინო ინსტიტუტის ფტიზიატრიის კათედრაზე; 1976 წლიდან მ. - იაშვილის სახელობის ბავშვთა ცენტრალური საავადმყოფო: პულმონოლოგიური განყოფილების ექიმი, დღის სტაციონარის განყოფილების ხელმძღვანელი, ფთიზიო-პულმონოლოგიური განყოფილების ხელმძღვანელი, პედიატრიული დეპარტამენტის ხელმძღვანელი, კლინიკური დირექტორის მოადგილე, ხარისხის კონტროლის დეპარტამენტის უფროსის მოადგილე, 2012 წლის სექტემბრიდან – რესპირაციული მედიცინის დეპარტამენტის პედიატრიული მიმართულების ხელმძღვანელი; პარალელურად მუშაობდა თბილისის ექიმთა დახელოვნების ინსტიტუტის გულმკერდის საპრობლემო ლაბორატორიის უფროს მეცნიერ-თანამშრომლად, შემდეგ თბილისის სახელმწიფო სამედიცინო უნივერსიტეტის პედიატრიის კათედრის ასისტენტად; 2007-2016წწ. - ზოგადი პედიატრიის სარეზიდენტო პროგრამის ხელმძღვანელი ბავშვთა ფთიზიატრიაში; 2012 წლიდან - სამედიცინო უნივერსიტეტ "აიეტის" პულმონოლოგიური დეპარტამენტის ასოცირებული პროფესორი; 2016 წლიდან - ევექსის სამედიცინო კორპორაციის პედიატრიის სარეზიდენტო პროგრამის ლოკალური ხელმძღვანელი; 2002 და 2006 წლებში იმყოფებოდა აშშ-ში, აიოვას სამედიცინო უნივერსიტეტის ჰოსპიტლის ალერგია-პულმონოლოგიის დეპარტამენტში, სამუშაო ადგილზე. საქართველოს რესპირაციული ჟურნალის სარედაქციო საბჭოს წევრი; ბავშვთა ფთიზიატრია-პულმონოლოგიის სარეზიდენტო პროგრამის ავტორი; კლინიკური პრაქტიკის ეროვნული რეკომენდაციების (გაიდლაინი) "ტუბერკულოზის მართვა ბავშვებში" ავტორი; 40-მდე სამეცნიერო ნაშრომის ავტორი; საერთაშორისო კონგრესების მონაწილე, სპიკერი. ექიმი-პედიატრი, ბავშვთა ფთიზიატრი, ბავშვთა პულმონოლოგი, მედიცინის მეცნიერებათა დოქტორი (2004), პროფესორი.

საკანდიდატო დისერტაციის თემა - "ულტრაიისფერი სხივებით დასხივებული სისხლის აუტოტრანსფუზია ფილტვების ბაქტერიული დესტრუქციის დროს ბავშვებში", დაიცვა 1988 წელს; სადოქტორო დისერტაციის თემა - "ჟანგვითი პროცესებისა და ინტერფერონული სისტემის როლი პედიატრიული ტუბერკულოზის პათოგენეზში", დაიცვა 2004 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.341; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.387; evexhospitals.ge

• ევროპის რესპირაციული ასოციაცია, წევრი
• საქართველოს პედიატრთა ასოციაცია, წევრი
• საქართველოს რესპირაციული ასოციაცია
• საქართველოს ფთიზიატრთა და პულმონოლოგთა ასოციაცია, წევრი