გიორგი ვასაძე

დაბადების ადგილი: ქ. თბილისი.

დაამთავრა მოსკოვის ლუნაჩარსკის სახელობის სახელმწიფო თეატრალური ინსტიტუტი 1948 წელს (სარეჟისორო).

სწავლობდა შ. რუსთაველის სახელობის თეატრალურ ინსტიტუტში(სამსახიობო ფაკულტეტი); 1941-1944წწ. იყო რუსთაველის თეატრის მსახიობი; 1948-1953წწ. იყო სოხუმის ქართული, 1954-1956წწ. მოსკოვის ლიტერატურულ-დრამატული თეატრების რეჟისორი; 1956 წლიდან საქართველოს ტელევიზიის დამფუძნებელთაგანი და ლიტერატურულ გადაცემათა რეჟისორი, პარალელურად, 1958 წლიდან საქართველოს ფილარმონიის მთავარი რეჟისორი; 1961 წლიდან ვ. სარაჯიშვილის სახელობის თბილისის სახელმწიფო კონსერვატორიის პედაგოგი და საოპერო სტუდიის დამდგმელი რეჟისორი; საოპერო დადგმები: სოხუმის თეატრი (საკონცერტო შესრულება): ა. ბუკია "დაუპატიჟებელი სტუმრები", თ. შავერზაშვილი "იავნანა", ვ. დოლიძე "ქეთო და კოტე", ი. გოკიელი "ბროლის ქოში", რახმანინოვი "ალეკო"; თბილისის საოპერო სტუდია: ზ. ფალიაშვილი "დაისი", დ. არაყიშვილი "თქმულება შოთა რუსთაველზე", ქ. ვ. გლუკი "ორფეოსი და ევრიდიკე" (1963, პირველი დადგმა საქართველო, თბილისი); მსახიობ აკაკი ვასაძის შვილი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 172; მამულიშვილთა სავანე/ბაბუნაშვილი ზ., ნოზაძე თ. -თბ., 1994. -გვ144-145; ენციკლოპედია: საქართველო. ტ.III. -თბ., 2014.-გვ.191-192

• 1967 - საქართველოს ხელოვნების დამსახურებული მოღვაწე