ლეონიდე მელიქაძე

დაამთავრა საქართველოს ინდუსტრიული ინსტიტუტის ქიმიურ-ტექნოლოგიური ფაკულტეტი 1934 წელს.

1934-1935წწ. თბილისის მსუბუქი მრეწველობის საკვლევ-სამეცნიერო ინსტიტუტი, ინჟინერ ტექნოლოგი; 1935 წელს თბილისის სახელმწიფო უნივერსიტეტის საკვებ პროდუქტთა ლაბორატორია, ინჟინერ-ტექნოლოგი; 1935-1936წწ. მძიმე მრეწველობის სახალხო კომისარიატის საქართველოს წარმომადგენლობა, ინჟნერ-ტექნოლოგი; 1936-1942წწ. საკავშირო მეცნიერებათა აკადემიის საქართველოს ფილიალის ქიმიის ინსტიტუტი, უმცროსი მეცნიერ-თანამშრომელი; 1942-1947წწ. ფიზიკური და ორგანული ქიიიის ინსტიტუტის უფროსი მეცნიერ-თანამშრომელი; 1947-1977წწ. პ. მელიქიშვილის სახელობის ფიზიკური და ორგანული ქიმიის ინსტიტუტის დირექტორის მოადგილე სამეცნიერო ნაწილში; 1947-1990წწ. ამავე ინსტიტუტის ნავთობის ქიმიის ლაბორატორიის გამგე; 1965 წელს მიენიჭა პროფესორის წოდება; 1967-1971წწ. საქართველოს სსრ სოფლის მეურნეობის სამინისტროს მცენარეთა დაცვის ინსტიტუტი, კონსულტანტი; 1973-1978წწ. საქართველოს სსრ სატყეო მეურნეობის სახელმწიფო კომიტეტის ტყის მავნებლებთან და დაავადებებთან ბრძოლის სამეცნიერო საწარმოო ლაბორატორია, კონსულტანტი. 3 მონოგრაფიის და 300-მდე სამეცნიერო სტატიის ავტორია.

საკანდიდატო დისერტაცია დაიცვა 1942 წელს; სადოქტორო დისერტაცია დაიცვა 1964 წელს. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• დ. მენდელეევის სახელობის საკავშირო ქიმიური საზოგადოების საქართველოს განყოფილება, საბჭოს და გამგეობის წევრი (1946-1967)
• საქართველოს მეცნიერებათა აკადემია, წევრ-კორესპონდენტი (1967-1974)
• საქართველოს მეცნიერებათა აკადემია, აკადემიკოსი (1974-)
• საქართველოს სსრ სახალხო მეურნეობის ტექნიკურ-ეკონომიკური საბჭო, წევრი (1958-1965)

• 1974 - საქართველოს მეცნიერებათა დამსახურებული მოღვაწე
• 1959 - პეტრე მელიქიშვილის სახელობის პრემია
  მონოგრაფიისათვის "ნავთობის ფლუორესცირებადი ნაერთების ბუნების შეცნობისათვის"
• 1945 - საპატიო ნიშნის ორდენი