ზურაბ ჭილაძე

დაამთავრა ყუბანის სამედიცინო ინსტიტუტის და თბილისის სახელმწიფო სამედიცინო ინსტიტუტის სამკურნალო ფაკულტეტი 1947 წელს. 

1945-1947წწ. იყო ტოპოგრაფიული ანატომიის კათედრის ლაბორანტი; 1947-1949წწ. მეანობა-გინეკოლოგიის კათედრის ორდინატორი (ქ. კრასნოდარი); 1949-1952წწ. აბასთუმნის სამშობიარო სახლის გამგე; 1952-1955წწ. ექიმთა დახელოვნების ცენტრალური ინსტიტუტის მეანობა-გინეკოლოგიის კათედრის ასპირანტი; 1955-1958წწ. ამავე კათედრის ასისტენტი(მოსკოვი); 1958 წლიდან არის თბილისის ექიმთა დახელოვნების ინსტიტუტის ასისტენტი, დოცენტი, პროფესორი, კათედრის გამგე. ავტორია 147 სამეცნიერო ნაშრომის და 18 გამოგონების. მეან-გინეკოლოგი, მედიცინის მეცნიერებათა დოქტორი.

საკანდიდატო დისერტაციის თემა - "ფარისებრი ჯირკვლის ფუნქციური მდგომარეობა ორსულობის დროს", დაიცვა 1956 წელს.

სადოქტორო დისერტაციის თემა - "მშობიარობის შემდგომ ატონიური სისხლის დენის შეჩერება ელექტრონიზაციის მეთოდით", დაიცვა 1964 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.350

• მეან-გინეკოლოგთა ასოციაცია, პრეზიდენტი

• ღირსების ორდენი
• საქართველოს სახელმწიფო პრემია
• საქართველოს მეცნიერებათა დამსახურებული მოღვაწე