დომენტი მშვენიერაძე

დაბადების ადგილი: ქ. ზესტაფონი.

სწავლობდა მოსკოვის უნივერსიტეტის საზოგადოებრივ მეცნიერებათა ფაკულტეტზე 1923 წლიდან; დაამთავრა მოსკოვის სატრანსპორტო საინჟინრო ინსტიტუტი 1930 წელს.

ერთხანს იყო სხვადასხვა პარტიულ და საბჭოთა თანამდებობაზე; მუშაობდა ჯერ რკინიგზაზე, შემდეგ ამიერკავკასიის რკინიგზის ინჟინერთა ინსტიტუტში კითხულობდა "ხიდების" კურსს, პარალელურად თბილისის სახელმწიფო უნივერსიტეტში ასწავლიდა ტრანსპორტისა და მრეწველობის ეკონომიკას; თბილისში ორი ტექნიკური უმაღლესი სასწავლებლის გაერთიანების შემდეგ მუშაობა დაიწყო საქართველოს პოლიტექნიკურ ინსტიტუტში, სადაც მისი უშუალო ხელმძღვანელობით ჩამოყალიბდა ფუძე-საძირკვლებისა და გრუნტების მექანიკის კათედრა, რომელსაც გარდაცვალებამდე ხელმძღვანელობდა; პარალელურად მუშაობდა საქართველოს ჰიდრონაგებობათა სამეცნიერო-კვლევით ინსტიტუტში, ერთხანს მისი დირექტორიც იყო; შემდეგ რუსთავის მეტალურგიული ქარხნის მშენებლობაზე ეწეოდა პრაქტიკულ საქმიანობას; მეცნიერმა შექმნა 70-ზე მეტი ნაშრომი, მათ შორის ოცი სახელმძღვანელო და მონოგრაფიაა; თეორიულად დაამუშავა, პრაქტიკულად შეისწავლა და წარმოებაში დასანერგად მოამზადა ახალი ტიპის ხიმინჯოვანი საძირკვლები; მისი ნაშრომი ქართული საფორტიფიკაციო მშენებლობის საკითხებზე, მნიშვნელოვანი გამოკვლევაა სამშენებლო ტექნიკის დარგში; დიდი ღვაწლი მიუძღვის ასევე ქართული სამშენებლო ტერმინოლოგიის დამუშავების საქმეში; მიღებული აქვს მედლები; ტექნიკურ მეცნიერებათა დოქტორი, პროფესორი.

წყარო: მამულიშვილთა სავანე. - თბ., 1994. - გვ.283

• საქართველოს მეცნიერებისა და ტექნიკის დამსახურებული მოღვაწე
• შრომის წითელი დროშის ორდენი

• ყამირების მექანიკა და ფუძე-საძირკვლები : სახელმძღვ. პოლიტექნ. ინ-ტის სტუდენტებისათვის (თანაავტორი). - თბილისი, განათლება, 1969. - 414გვ.
• ტექნიკის ლექსიკური მასალები ქართულ წერილობით ძეგლებში : ს. ორბელიანის "სიტყვის კონისა" და სხვა ძეგლების მიხედვით (ავტორი). - თბილისი, საქ. პოლიტექნ. ინ-ტის გამ-ბა, 1961. - 162გვ.
• გამოქვაბული ნაგებობანი საქართველოში (ავტორი) // ტ. 1. - თბილისი, ტექნიკა და შრომა, 1955. - 40გვ.