ივანე ჟღენტი

დაბადების ადგილი: ქ. ქუთაისი.

დაამთავრა თბილისის "ნიჭიერთა ათწლედი" 1957 წელს(ჰობოი), ვანო სარაჯიშვილის სახელობის თბილისის სახელმწიფო კონსერვატორია 1963 წელს(მუსიკის თეორია).

1957-1958წწ. იყო თბილისის კ. მარჯანიშვილის სახელობის თეატრის ორკესტრის მუსიკოსი(ჰობოი), 1957-1963წწ. ვ. სარაჯიშვილის სახელობის თბილისის სახელმწიფო კონსერვატორიის საოპერო სტუდიის ორკესტრის მუსიკოსი(ჰობოი); 1959-1966წწ. "ქართული ხალხური სიმღერების შემსწავლელი ანსამბლის" მომღერალი(ხელმძღვანელი ზ. ჩიქოვანი); 1961-1967წწ. ქ. თელავის მუსიკალური სასწავლებლის პედაგოგი(თეორიული საგნები); 1964-1966წწ. თბილისის "ნიჭიერთა ათწლედის" პედაგოგი(თეორიული საგნები); 1966 წლიდან ვ. სარაჯიშვილის სახელობის თბილისის სახელმწიფო კონსერვატორიის პედაგოგი(მუსიკის თეორიის საგნები), 1981 წლიდან მუსიკის თეორიის კათედრის გამგე, 2007 წლიდან ასოცირებული პროფესორი, 2013 წლიდან სრული პროფესორი, 2013-2014წწ. კონსერვატორიის სენატორ-წევრი; 2002-2005წწ. მოქმედებდა მის მიერ დაარსებული "მუსიკალურ-თეორიული დისციპლინების მეთოდიკის საკითხების" ყოველწლიური კონფერენცია; თბილისის კონსერვატორიის ყველა ფაკულტეტის სტუდენტთათვის დააარსა ჰარმონიის კურსში მოდალური სისტემისა და თანამედროვე ჰარმონიის საკითხები; მუსიკისმცოდნე-თეორეტიკოსი, ხელოვნებათმცოდნეობის კანდიდატი.

საკანდიდატო დისერტაციის თემა - "დასავლეთ საქართველოს ხალხური მრავალხმიანი სიმღერების ჰარმონია", დაიცვა 1983 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 397