მარიკა ჩიჯავაძე

 დაბადების ადგილი: ქ. თბილისი.

დაამთავრა თბილისის I მუსიკალური სასწავლებელი 1974 წელს (თეორიული განყოფილება), ვანო სარაჯიშვილის სახელობის თბილისის სახელმწიფო კონსერვატორია 1979 წელს (მუსიკის ისტორია).

1987 წელს გაიარა სტაჟირება მოსკოვის ტელე–რადიო მაუწყებლობის საკვალიფიკაციო საკავშირო ინსტიტუტში; 1979–1993წწ. იყო თბილისის N26 მუსიკალური სკოლის პედაგოგი (მუსიკის ლიტერატურა), 1993 წლიდან თბილისის "ნიჭიერთა ათწლედის" პედაგოგი (მუსიკის ლიტერატურა) და თეორიული განყოფილების გამგე; 1979 წლიდან საქართველოს რადიოს მუსიკალურ გადაცემათა რედაქტორი; ტელევიზიაში "ერთსულოვნება" საავტორო გადაცემა "ოპერა"–ს ავტორი და წამყვანი; საქართველოს რადიომაუწყებლობაში საავტორო გადაცემები: "მხოლოდ ოპერა" (1993 წლიდან), "ინტერმედია" (2000 წლიდან), "მუსიკალური რადიოანშლაგი" (2005 წლიდან), "ვარიაციები მუსიკალურ თემაზე" (2010 წლიდან), რადიოგადაცემათა ციკლები: "ყველას რაიმე აქვს სათხოვარი", "მუსიკა და თანამედროვეობა", "XX საუკუნის მუსიკა და მუსიკოსები" (გადაცემის თანაავტორები: თ. ბაკურაძე, ქ. ბოლაშვილი); 1979 წლიდან სიუჟეტები რადიოჟურნალში "ჩანგი", "პიკის საათი". მუსიკისმცოდნე – ისტორიკოსი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 535; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.186

• 1999 - ღირსების მედალი
  საქართველოში მიმდინარე რეფორმების მაღალკვალიფიციურ დონეზე წარმოჩენაში, თემის აქტუალობით გამორჩეული გადაცემების მომზადებაში, უცხოეთის ქვეყნებზე რადიომაუწყებლობის გაფართოებაში, რადიოს ოქროს ფონდის შექმნაში შეტანილი პირადი წვლილისა და რადიოს სამაუწყებლო შემოქმედებითი არსენალის განახლების პროცესში აქტიური მონაწილეობისათვის