კონსტანტინე ძნელაძე

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1956 წელს.

1954–1962წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი; 1963 წლიდან საქართველოს ფილარმონიის ვოკალურ–ინსტრუმენტული ანსამბლების "რერო", "ორერა", "დიელო" საცეკვაო ჯგუფის სოლისტი; 1965 წლიდან მოღვაწეობდა ვიეტნამში; 1967 წელს ჩამოაყალიბა(ძმასთან, ავთანდილ ძნელაძესთან ერთად) ვოკალურ–ინსტრუმენტული ანსამბლი "ინგური"; 1970–1976წწ. იყო ლენინგრადის "მიუზიკლ–ჰოლის" სოლისტი; 1987 წლიდან თ. ჩანტლაძის მინიატურების თეატრის ქორეოგრაფი; 1987–2000წწ. მოღვაწეობდა აფრიკის რესპუბლიკა ბურუნდიში; ქართული სპექტაკლები, ცეკვები, დადგმები: მ. დავითაშვილი "ნაცარქექია"(1979); გასტროლები: ავსტრია(საბალეტო დასთან ერთად), ინდონეზია, კუბა, ინდოეთი, პოლონეთი, გერმანია, მექსიკა, პერუ, ვენესუელა, ჩილე. მიღებული აქვს მოსკოვის საკავშირო კონკურსის I ხარისხის დიპლომი (1956), მოსკოვის მსოფლიო ფესტივალის დიპლომი (1957), ვიეტნამის გმირის ორდენი (1965).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 555

• 1987 - საქართველოს დამსახურებული არტისტი
• 1958 - მედალი "შრომითი წარჩინებისთვის"