მერაბ ღაღანიძე

დაბადების ადგილი: ქ. თბილისი.

ფილოლოგიისა და ფილოსოფიის დოქტორი, პროფესორი.

მინიჭებული აქვს საგანგებო დიპლომი სულიერი თეოლოგიის სპეციალობით.

სწავლობდა თბილისის 47-ე საშუალო სკოლაში, რომელიც დაამთავრა 1977 წელს. იმავე წელს ჩაირიცხა თბილისის სახელმწიფო უნივერსიტეტის ფილოლოგიის ფაკულტეტზე. უნივერსიტეტის დამთავრებისთანავე, 1982 წელს, გახდა თბილისის სახელმწიფო უნივერსიტეტის ძველი ქართული ლიტერატურის ისტორიის კათედრის ასპირანტი. სადისერტაციო ნაშრომი, რომელიც 1988 წელს დაიცვა, ეძღვნებოდა დავით გურამიშვილის პოეზიას.

სამეცნიერო და პედაგოგიურ საქმიანობას ეწეოდა: თბილისის ილია ჭავჭავაძის სახელობის უცხო ენათა სახელმწიფო ინსტიტუტში (1984), თბილისის სახელმწიფო უნივერსიტეტში (1985-1994), თბილისის სახელმწიფო სამხატვრო აკადემიაში (1985-1994), დომინიკელთა ორდენის ქრისტიანული კულტურის ცენტრში პრაჰაში (1994-1997), კარლოსის უნივერსიტეტში პრაჰაში (1997-2001), თბილისის ილია ჭავჭავაძის სახელობის ენისა და კულტურის უნივერსიტეტში (2002-2004), ივანე ჯავახიშვილის სახელობის თბილისის სახელმწიფო უნივერსიტეტში (2003-2004), ქრისტიანული თეოლოგიისა და კულტურის ცენტრში თბილისში (2003-2006), შოთა რუსთაველის ქართული ლიტერატურის ინსტიტუტში თბილისში (2004-2006), წმიდა თომა აკვინელის პაპის უნივერსიტეტში რომში (2005-2008), ილიას სახელმწიფო უნივერსიტეტში თბილისში (2006-2011), თბილისის თავისუფალ უნივერსიტეტში (2011-2021),  საქართველოს უნივერსიტეტში თბილისში (2021-). 

ეკუთვნის 12 წიგნი და 200-ზე მეტი პუბლიკაცია ლიტერატურის, კულტურისა და რელიგიის საკითხებზე. მისი რედაქციით გამოდის ქრისტიანული თეოლოგიისა და კულტურის ცენტრისა და ქართული წიგნის მხარდაჭერის ფონდის "მემკვიდრეობის" გამოცემები, ფილოლოგიურ კვლევათა წელიწდეული "წახნაგი". არის სხვადასხვა საბჭოს, კომისიისა და სარედაქციო კოლეგიის წევრი.

• ლიტერატურა, კულტურა, რელიგია (ავტორი) // ტომი 1, 2000-2009. - თბილისი, საქართველოს პარლამენტის ეროვნული ბიბლიოთეკა, 2021. - 528გვ.. - ISBN: 9789941973659
• ლიტერატურა, კულტურა, რელიგია (ავტორი) // ტომი 2/1, 2010-2019. - თბილისი, საქართველოს პარლამენტის ეროვნული ბიბლიოთეკა, 2021. - 488გვ.. - ISBN: 9789941973673
• ლიტერატურა, კულტურა, რელიგია (ავტორი) // ტომი 2/2, 2010-2019 . - თბილისი, საქართველოს პარლამენტის ეროვნული ბიბლიოთეკა, 2021. - 496გვ.. - ISBN: 9789941973697
• აკაკის ფაუსტური პარაბოლა (ავტორი). - თბილისი, ქრისტიანული თეოლოგიისა და კულტურის ცენტრი, 2019. - 244გვ.. - ISBN: 9789941972126
• განსაკუთრებული საყოველთაოში (თანაავტორი). - თბილისი, სულხან-საბა ორბელიანის სასწ. უნ-ტი, 2014. - 186გვ. . - ISBN: 978-9941-0-7036-5
• მწერლის ცხოვრება დროში და სიტყვაში : 99 მცირე და ვრცელი ჩანაწერი უცხოელ მწერალთა შესახებ (ავტორი). - თბილისი, მემკვიდრეობა, 2011. - 524გვ.. - ISBN: 978-9941-9106-5-4
• ძველი და ახალი საქართველოს მიჯნაზე : ლიტ. პორტრეტები XVIII-XIX სს. საქ. საზ. და კულტ. ცხოვრების ალბომიდან (ავტორი). - თბილისი, მემკვიდრეობა, 2010. - 160გვ. . - ISBN: 978-9941-9106-4-7
• გზავნილი "არილის" მკითხველს (ავტორი). - თბილისი, მემკვიდრეობა, 2009. - 187გვ.. - ISBN: 978-9941-0-1832-9
• წვდომისა და გამოხატვის ოსტატობა : 25 ესეი ხელოვნების შესახებ, 1995-2000 (ავტორი). - თბილისი, ქრისტიანული თეოლ. და კულტ. ცენტრის გამოც., 2004. - 166გვ.. - ISBN: 99940-0-177-9
• რწმენისა და იმედის გზაზე : 50 ესეი რელიგიათა ისტორიიდან (ავტორი). - თბილისი, წმ. ირინეოს ლიონელის სახ. ბიბლ.-თეოლ. ინ-ტი, 2003. - 319გვ.
• კულტურათა გზაჯვარედინი : XVIII-XIX საუკუნეთა ქართული ლიტერატურის ისტორიის ნარკვევები = Crossroads of cultures (თანაავტორი). - თბილისი, ლომისი, 2002. - 188გვ.. - ISBN: 999280341X
• სინამდვილე და წარმოსახვა დავით გურამიშვილის "მხიარულ ზაფხულში" (ავტორი). - თბილისი, ლომისი, 2002. - 199გვ. . - ISBN: 99928-0-353-3