
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

რევაზ თევზაძე

Date of birth:	22 June, 1931 (93 years)
Category:	Geologist, Educator

Biography

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტი(სტუ) სამთო ინჟინერ-მენავთობის სპეციალობით 1955 წელს.

მუშაობდა აზერბაიჯანში, 1958 წლიდან –"საქნახშირძიების" ტრესტის, ხოლო 1970 წლიდან – საქართველოს მინისტრთა საბჭოსთან არსებული გეოლოგიური სამმართველოს სისტემაში. იკვლევდა კვაისის ტყვია-თუთიისა და ერწოს ვერცხლისწყლის საბადოებს, ხელმძღვანელობდა საძიებო სამუშაოებს შაორის ქვანახშირის, მადნეულის პოლიმეტალებისა და ბარიტის საბადოებზე და საქართველოს მეტალების კომპლექსურ ექსპედიციას. მისი უშუალო მონაწილეობითა და ხელმძღვანელობით დაძიებულია საქართველოს მინერალური რესურსების სამრეწველო მნიშვნელობის მრავალი საბადო. სასარგებლო წიაღისეულის საბადოების(მ. შ. მადნეულის საბადოს) წარმატებული ძიებისა და გეოლოგიური საძიებო სამუშაოებში მიღწეული მაღალი მაჩვენებლებისათვის 1971 მიენიჭა სოციალისტური შრომის გმირის წოდება. 1973 წლიდან იყო ნავთობის საკავშირო სამინისტროს ტრესტ "საქნავთობის" მმართველი, 1975–2004 წლებში–საწარმოო გაერთიანება "საქნავთობის" გენერალური დირექტორი, დეპარტამენტ "საქნავთობის" თავმჯდომარე, სახელმწიფო კომპანია "საქნავთობის" პრეზიდენტი. საქართველოს პოლიტექნიკური უნივერსიტეტის ნავთობისა და გაზის საბადოების ბურღვის კათედრის პროფესორი (1982).

წყარო: საქართველო: ენციკლოპედია: ტ.III.–თბ., 2014.-გვ.648; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.85

Member of Organizations

საქართველოს ეროვნული ენერგეტიკის აკადემია , წევრი
საქართველოს საინჟინრო აკადემია , ნამდვილი წევრი
საქარრველოს ნავთობის მრეწველობის სამეცნიერო-ტექნიკური საზოგადოება, თავმჯდომარე (1978-2002)

Awards and Honors

2001 - ღირსების ორდენი
1981 - საქართველოს დამსახურებული მენავთობე
1975 - საქართველოს დამსახურებული ინჟინერი
შრომის წითელი დროშის ორდენი

Bibliography

საქართველოს საინჟინრო პრობლემები: მდგომარეობა და პერსპექტივები = Инженерные проблемы Грузии: состояние и перспективы = Engineering problems of Georgia: state and prospects : სტატიების კრებული (Author). - თბილისი, ზეკარი, 1998. - 170გვ.
საქართველოს ნავთობი გუშინ, დღეს, ხვალ (Author). - თბილისი, 1986. - 32გვ.
წრფივი პროგრამირების გამოყენება სხვადასხვა ხარისხის რკინის მადნის ოპტიმალური კაზმის მოსაძებნად აგლომერაციული ფაბრიკების პირობებში (Co-Author). - თბილისი, 1967. - 8გვ.
აგლომერატის ხარისხობრივი მაჩვენებლების სტაბილიზაცია დასაბრუნებელი ფრაქციის შეკრული ციკლის ავტომატური რეგულირებით (Co-Author). - თბილისი, 1966. - 20გვ.