თემურ არშბა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1960 წელს და 1965 წელს - თბილისის ენერგეტიკისა და ჰიდროტექნიკურ ნაგებობათა სამეცნიერო კვლევითი ინსტიტუტის ასპირანტურა.

1961 წლიდან მუშაობდა თბილისის ენერგეტიკისა და ჰიდროტექნიკურ ნაგებობათა ს/კ ინსტიტუტში; 1981 წლიდან ხელმძღვანელობდა საპროექტო ინსტიტუტ "თბილჰიდროპროექტის" პერსპექტიული პროექტირების და წყალთა მეურნეობისა და ენერგეტიკის განყოფილებებს; იყო სს "ჰიდროსაინჟინრო კომპანიის" საპროექტო სამუშაოების მენეჯერი: მონაწილეობდა ჰიდროელექტროსადგურების ოპტიმალური სამუშაო რეჟიმების საკითხთა დამუშავებაში, ჰიდროაგრეგატების ნატურულ და ლაბორატორიულ გამოკვლევებში, ჰიდროენერგეტიკული პოტენციალის დადგენასა და მათ ოპტიმალურ განაწილებაში, ჰიდროენერგეტიკული წყალსაცავების ოპტიმალური მუშაობის რეჟიმების დადგენაში, წყალსამეურნეო ბალანსების შედგენაში; წლების განმავლობაში მუშაობდა საქართველოს ენერგეტიკის მარეგულირებელი ეროვნული კომისიის კონსულტანტად; არის ტექნიკის მეცნიერებათა კანდიდატი, 12 სამეცნიერო ნაშრომის ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.57-58; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 20

• საქართველოს ენერგეტიკის აკადემია, წევრი